Dári-dármek pen medqyzmetterdi satyp alýda básekege qarsy tártip ózgerdi

NUR-SULTAN. QazAqparat – Dári-dármek pen medıtsınalyq qyzmetterdi satyp alý naryǵynda básekelestikke qarsy 2 ball krıterııler joıyldy, dep habarlaıdy QazAqparat Básekelestikti qorǵaý agenttigine silteme jasap.

2021 jylǵy 18 maýsymda TMKKK sheńberinde jáne (nemese) MÁMS júıesinde dárilik zattardy (DZ), medıtsınalyq buıymdardy (MI) jáne mamandandyrylǵan emdik ónimderdi, farmatsevtıkalyq qyzmetterdi satyp alýdy uıymdastyrý jáne ótkizý qaǵıdalary kúshine endi, olardan TMKKK sheńberinde DZ jáne MI satyp alý naryǵynda básekelestikti shekteıtin buryn qoldanylǵan norma alynyp tastaldy. Bul normany alyp tastaý Básekelestikti qorǵaý jáne damytý agenttigi men Densaýlyq saqtaý mınıstrliginiń osy naryqtaǵy básekelestikti damytýǵa kedergi keltiretin tosqaýyldardy joıý jónindegi birlesken qyzmetiniń nátıjesi boldy.

Erejeden shyǵarylǵan norma básekelestikti qorǵaý jáne damytý agenttigi janyndaǵy kedergiler jónindegi keńes otyrystarynyń birinde belgilendi. Ol DZ / MI satyp alý boıynsha konkýrsqa qatysýshylarǵa qoıylatyn bes talaptardyń biri boldy, oǵan sáıkes Qazaqstan Respýblıkasynan tys jerde farmatsevtıkalyq óndiris tájirıbesiniń bolýy úshin qosymsha eki ball qosyldy. Dál osy 2 ball sheteldik farmatsevtıkalyq óndirýshilerge (sheteldik qatysýy bar kásiporyndardyń Qazaqstan Respýblıkasynyń naryǵynda – 6, sheteldik qatysýy joq - 4) qazaqstandyq óndirýshiler aldynda artyqshylyqqa ıe bolýǵa múmkindik berdi jáne odan keıingi konkýrstyq rásimder sheteldik qatysýy bar óndirýshiler arasynda ótti.

Kedergiler jónindegi keńes otyrysynyń qorytyndysy boıynsha AZRK Densaýlyq saqtaý mınıstrligine osy normany erejelerden alyp tastaý týraly usynys joldady, ol qoldaý tapty jáne ózgeristerge bastama jasady.

Osylaısha, jańa erejeler farmatsevtıkalyq óndiris naryǵynda básekelestikti damytýdyń kemsitýshilik jaǵdaılaryn jasaǵan DZ jáne MI satyp alý naryǵynyń áleýetti qatysýshylarynan sheteldik tájirıbeni talap etýdi kózdemeıdi.