Dári-dármek aqparattyq ortalyǵy ambýlatorııalyq deńgeıde tegin qamsyzdandyrý jónindegi anyqtamalyqtyń tusaýkeserin ótkizdi
ASTANA. 6 aqpan. QazAqparat -«Dári-dármek aqparattyq ortalyǵy Astana qalasyndaǵy medıtsına uıymdarynyń ókilderi arasynda halyqty ambýlatorııalyq deńgeıde tegin qamsyzdandyrý jónindegi anyqtamalyqtyń tusaýkeserin ótkizdi», - dep habarlaıdy vedomstvonyń baspasóz qyzmeti.
Atalmysh anyqtamalyq bastapqy býyn dárigerlerine tegin beriletin dárilik zattar týraly medıtsına prıntsıpterine negizdelgen dáıekti aqparat quraly bolyp tabylady. Qazirgi tańda respýblıkanyń dári-dármekpen qamtamasyz etý salasynda eleýli ózgerister bar. «Sondaı-aq ambýlatorııalyq deńgeıde dári-dármekpen qamtamasyz etýdiń modelin jetildirý boıynsha belsendi jumystar júrgizilýde.
Qarjylyq shekteýler jaǵdaıynda halyqty dári-dármektermen qamtamasyz etýde joǵary sapaly deńgeıge jetý - dárilik preparattardy satyp alýǵa baǵyttalǵan resýrstardy qoldanýdyń tıimdiligin jetildirýsiz múmkin emes. Dárilik qamsyzdandyrýdy ońtaılandyrý úshin densaýlyq saqtaý tájirıbesine dárilik zattardy oryndy qoldaný men formýlıarlyq júıeni damytýdy engizý qajet»,-delingen baspasóz qyzmetiniń málimetterinde.
Sondaı-aq ondaǵy derekter boıynsha, sońǵy ýaqytta dárigerlerdiń kóbine eskirgen aqparatty, jarnamalyq sıpattaǵy derekterdi qoldanatyny baıqalady. Dárilik zattardy oryndy qoldaný uǵymy dárilik zattardy durys jáne tıisinshe qoldanýdy meńzeıdi. Oryndy qoldaný degen patsıentterdiń ýaqyttyń tıesili aralyǵynda tıisti dárilik preparattardy durys mólsherlemesimen jáne eń tómen qunymen alýyn bildiredi. Mine, sondyqtan Dári-dármek aqparattyq ortalyǵy Densaýlyq saqtaý mınıstrliginiń basshylyǵymen halyqty ambýlatorııalyq deńgeıde tegin qamsyzdandyrý jónindegi anyqtamalyq ázirlep, taralymyn shyǵardy.
