Dári baǵasyn qymbattatqan dárihanalarǵa 28 mln teńge aıyppul salynǵan
ALMATY. QazAqparat – Almatyda dári baǵasyn negizsiz qymbattatqan dárihana uıymdaryna 28,4 mln teńge aıyppul salyndy, dep habarlaıdy QazAqparat tilshisi.
Almatyda ótken onlaın brıfıng barysynda qalalyq taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Murat Muhamedııarovtiń aıtýynsha, qalada shildeniń ortasynan qyrkúıektiń sońyna deıin dárihana uıymdarynda tekserý júrgizilgen.
«Departament qyzmetkerleri dári baǵasyn kótergenderge jalpy quny 28,4 mln teńge bolatyn 156 aıyppul salǵan. QR ÁqbK 424 baby boıynsha ruqsat qujatynsyz farmatsevtıkalyq qyzmetpen aınalysqan sýbektilerge jalpy somasy 305580 teńge bolatyn 14 aıyppul salyndy. Quqyqbuzýshylyqty qaıtalaǵan kásipkerler boıynsha arnaıy mamandandyrylǵan sotqa 8 materıal jiberildi. 4 materıal zańsyz kásipkerlikpen aınalysqan sýbektilerge qatysty jiberildi. Taǵy 2 materıal boıynsha tirkelmegen dárilik zattar satqan kásipkerlerdiń isi qaralyp jatyr»,- dedi ol.
Murat Muhamedıarovtiń aıtýynsha, sońǵy aıda tek bir ǵana kásipker dári baǵasyn negizsiz kótergen.
