Darhan Jazyqbaev: Memlekettik basqarýdy baǵalaýdyń sheshýshi faktory - azamattardyń ómir súrý sapasynyń artýy
«Búginde elimizde júrgizilip jatqan saıası reformalardyń basty maqsatynyń biri – ashyqtyq prıntsıpine negizdelgen jańa basqarý mádenıetin qalyptastyrý. Bul memlekettik qyzmet júıesine jańa talaptar júkteıdi. Memlekettik basqarýdyń servıstik jáne adamǵa baǵdarlanǵan modeli halyq únine qulaq asatyn, tıimdi esep beretin kásibı jáne ashyq úkimet qalyptastyrýdy kózdeıdi. Ashyq úkimet prıntsıpin tájirıbede iske asyrý alda yqsham, neǵurlym tıimdi memlekettik apparat qalyptastyrýǵa septigin tıgizedi. Memleket basshysynyń «Biz adam memleket úshin emes, memleket adam úshin» degen negizgi qaǵıdany aıqyn ustanatyn bolamyz» degen pikiri – «Ashyq úkimettiń» negizine aınalýy tıis irgeli prıntsıp. Sebebi jańa basqarý mádenıeti «eń aldymen adamdar» qaǵıdatyna negizdeledi», - dedi ol «Ashyq úkimet jáne basqarýdyń jańa mádenıeti: estý, túsiný jáne áreket etý» halyqaralyq ǵylymı-tájirıbelik konferentsııada.
Agenttik tóraǵasynyń atap ótýinshe, memlekettik apparat memlekettik organdardyń qyzmetin qoldaýǵa baǵyttalǵan ákimshilik fýnktsııalardy atqarýmen shektelmeı, onyń negizgi mindeti qoǵamnyń talap-tilegine qulaq asyp, halyqtyń suranysyna jaýap berýge baǵyttalǵan memlekettik fýnktsııalardy júzege asyrýy bolýy tıis. Sonda ǵana shyn mánindegi jańa basqarý mádenıetine kóship, ashyq úkimetti qalyptastyrýǵa bolady.
«Mundaǵy memlekettik organdar úshin maqsat – memleket pen qoǵam qatynasyn úılestirýde bıýrokratııaǵa jol bermeıtin basqarýdyń proaktıvti, servıstik jáne azamattardyń suranystaryna den qoıa alatyn úlgisine kóshý. Nátıjesinde halyq ózi úshin mańyzdy sheshimderdi tańdaýǵa múmkindik alyp, onyń memleketke degen senimi artady. Jańa basqarý mádenıetine saı elimizdegi reformalar, baǵdarlamalyq qujattar men ulttyq jobalardyń tıimdiligi olardyń halyqtyń ál-aýqaty men ómir súrý sapasyna tıgizgen oń áserimen ólshenýi kerek. ıAǵnı, basqarýdy baǵalaýdyń sheshýshi faktory azamattardyń ómir súrý sapasynyń artýy bolýy qajet. Jalpy kez-kelgen mańyzdy bastamany júzege asyrý jıi qoǵamdyq talqylaýdy, jan-jaqty saralap zerdeleýdi talap etedi»,- dedi Darhan Jazyqbaev.
Aıta keteıik, konferentsııanyń maqsaty – memlekettik basqarýdyń ózekti máselelerin talqylaý jáne praktıkalyq usynystar ázirleý, onyń ishinde «ashyq úkimetti» engizýdiń úzdik tájirıbelerin zerdeleý, Invisible Government – memlekettik qyzmetti tsıfrlandyrýdyń negizgi aspektilerin taldaý, memlekettik qyzmette HR-menedjmentti damytý, azamattyq qoǵam, bıznes jáne memleket arasyndaǵy ashyq dıalogty nyǵaıtý.
