Darhan Jazyqbaı túrik áriptesimen adamı resýrstardy basqarý máselelerin talqylady
Memlekettik qyzmet isteri agenttiginiń tóraǵasy Darhan Jazyqbaı túrkııalyq áriptesimen magıstranttar úshin HR boıynsha qos dıplomdyq baǵdarlamany engizý jáne ǵylymı zertteýler júrgizý boıynsha buryn qol jetkizilgen kelisimdi iske asyrý máselelerin talqylady, dep habarlaıdy Kazinform.
MQІA tóraǵasy Darhan Jazyqbaı Túrkııa Respýblıkasy Prezıdentiniń janyndaǵy Adamı resýrstardy basqarý ofısiniń Prezıdenti Salım Ataıdyń shaqyrýymen Ankara qalasyna jumys saparymen bardy.
Sapardyń maqsaty – «Personaldy basqarýdyń tsıfrlyq júıeleri týraly Túrki memleketteri uıymyna múshe memleketterdiń tıisti ınstıtýttary arasyndaǵy ózara túsinistik týraly memorandým» aıasynda adamı resýrstardy basqarý, memlekettik qyzmetshilerdiń kadrlyq áleýetin damytý, memlekettik qyzmette tsıfrlyq tehnologııalardy qoldaný boıynsha tájirıbe almasý.
Salım Ataı Túrkııa elindegi adamı resýrstardy basqarýdyń negizgi tásilderi, onyń ishinde daryndy adamdardy anyqtaý jáne olardyń ulttyq jobalarǵa qatysýyn qamtamasyz etý, mansapty basqarý jáne memlekettik qyzmetshiler qyzmetiniń tıimdiligin arttyrýǵa qatysty zertteýler júrgizý, sondaı-aq memlekettik qyzmetshilerdi qashyqtyqtan oqytý jáne HR-protsesterdi tsıfrlandyrý boıynsha tájirıbesin ortaǵa saldy.
Kezdesýde ofıs ókilderimen personaldy basqarý boıynsha jetekshi álemdik jobalardyń biri – «E-Insan» aqparattyq júıesiniń jumysy jáne múmkindikteri keńirek kórsetildi.
Óz kezeginde MQІA tóraǵasy Darhan Jazyqbaı sheteldik áriptesterin Qazaqstanda memlekettik sektordaǵy ashyqtyqty, múmkindikter teńdigin, tıimdilik pen nátıjelilikti qamtamasyz etý, sondaı-aq memlekettik qyzmetke irikteý jáne talanttardy izdeý kezinde tsıfrlyq múmkindikterdi belsendi qoldaný boıynsha qabyldanyp jatqan sharalar týraly aıtty.
Sondaı-aq taraptar QR Prezıdenti janyndaǵy Memlekettik basqarý akademııasy men Túrkııa Respýblıkasy Prezıdentiniń janyndaǵy Adam resýrstaryn basqarý ofısi arasyndaǵy memorandým aıasynda memlekettik qyzmetshilerdi taǵylymdamadan ótkizý, magıstranttar úshin HR boıynsha qos dıplomdyq baǵdarlamany engizý jáne ǵylymı zertteýler júrgizý boıynsha buryn qol jetkizilgen kelisimdi iske asyrý máselelerin talqylady.
Sapar qorytyndysy boıynsha taraptar adamı resýrstardy damytý jáne memlekettik qyzmetti tsıfrlandyrý salasynda ózara yntymaqtastyqty odan ári damytý jaıly ortaq kelisimge keldi.
