Darhan Satybaldy turǵyndardy jeke qabyldap, máselesin tyńdady
Búgin Túrkistan oblysynyń ákimi Darhan Satybaldy kezekti ret turǵyndar úshin jeke qabyldaý ótkizip, ótinishin tyńdady, dep habarlaıdy Kazinform.
Kezdesýge oblystyń túkpir-túkpirinen 10 turǵyn jazylǵan. Olar túrli baǵyttaǵy usynystary men ótinishterin aıtty.
Óńir basshysy árbir turǵyndy muqııat tyńdap, máselelerdi sheshý joldaryn qarastyrdy.
Turǵyndardyń birqatary eńbek zańdylyǵynyń saqtalmaýyna, quqyqtarynyń buzylǵanyna baılanysty shaǵymdanǵan.
Sonymen birge jumysqa ornalastyrý jóninde ótinishter tyńdaldy.
Máselen Túrkistandaǵy bir mektep pen balabaqshada osyndaı eńbek daýlary tirkelgen.
Qurylys kompanııasynan aılyǵyn ala almaı júrgen jumysshynyń da ótinishi nazarǵa alyndy. Sonymen birge balabaqshadaǵy azyq-túlik sapasyna qatysty da shaǵym aıtyldy.
Oblys ákimi jaýapty basqarma basshylaryna atalǵan túıtkilderdi zerdeleýdi usyndy. Quqyq qorǵaý organdary basshylaryna da naqty usynystar berildi.
Jeke qabyldaýda Ordabasy, Saýran aýdandaryndaǵy jer máseleleri, Sozaqtaǵy mal urlyǵy, Báıdibektegi mektepti kúrdeli jóndeý, kanaldy tazalaý, Tólebı aýdanyndaǵy apatty jaǵdaıdaǵy mektepti jańartý, kópirdi jóndeý, Túrkistan qalasynda stýdentter kompýsyn salýǵa jer telimin berý usynysy da aıtylyp, hattamaǵa engizildi.
– Ákimdik tarapynan ár ótinish boıynsha jumys júrgiziledi. Quqyq qorǵaý organdary da ózderine qatysty máselelerdi nazarǵa alǵany jón. Mektep, ınfraqurylymdy jaqsartýǵa qatysty ótinishter zań sheńberinde zerdelenip, tıisti sheshim qabyldanady. Árbir turǵynnyń ótinishi men usnysy mańyzdy, – degen Darhan Satybaldy basqarma basshylary men aýdan, qala ákimderine tıisti tapsyrmalar júktedi.
Aıta keteıik, turǵyndar oblys ákiminiń qabyldaýyna egov.portaly, e-otinish biryńǵaı bazasy arqyly nemese ákimdikke kelip jazbasha ótinish qaldyryp, jazyla alady.
