Darhan Qydyráli jýrnalısterdi zań talaptaryn saqtaýǵa shaqyrdy

ASTANA. QazAqparat - Aqparat jáne qoǵamdyq damý mınıstri Darhan Qydyráli qamaýda otyrǵan jýrnalıske qatysty málimdeme jasady, dep habarlaıdy QazAqparat.

«Dýman Muhamedkárim týraly aqparatty oqydym. Quqyq qorǵaý organdarynyń málimetinshe, ol jýrnalıstik qyzmeti úshin emes, zańdy buzǵanyna baılanysty aıyptalyp otyr. Qazaqstan – quqyqtyq memleket, zań aldynda bárimiz birdeımiz. Sondyqtan áriptesterimdi zańdy buzbaýǵa jáne ony qurmetteýge shaqyramyn. Aıtpaqshy, jýrnalıster Májilis dálizinde osy másele týraly suraǵan edi. Sol jerde de «saıası kózqaras úshin» dep qoǵamdyq tártipti buzǵanyna baılanysty aıyptalǵanyn meńzegen edim», - dep jazdy mınıstr Facebook paraqshasynda.

Aıta keteıik, buqaralyq aqparat quraldarynda Dýman Muhamedkárimge taǵy bir bap boıynsha jańadan aıyp taǵylǵany habarlanǵan edi.