Darhan Qydyráli: «Rýhanı jańǵyrý» boıynsha oqyrmandardan myńnan astam hat keldi
Aıta ketsek, búgin Astanada 2017 jylǵy bekitilgen jospar boıynsha QR Aqparat jáne kommýnıkatsııalar mınıstrliginiń Qoǵamdyq keńesiniń kezekti otyrysy ótip jatyr. Otyrysqa QR Aqparat jáne kommýnıkatsııalar mınıstri Dáýren Abaev qatysýda.
«Egemen Qazaqstan» basshysynyń aıtýynsha, gazet sáýirdiń 13-nen bastap baǵdarlamalyq maqalany júzege asyrý maqsatynda jumys júrgizip keledi. Arnaıy josparlar bekitilip, jańa aıdarlar ashylǵan.
«Bul rette «Qazaq qashan da qazaq» jobasyn erekshe aıtýǵa bolady. Sonymen qatar, «Rýhanı jańǵyrý», «Týǵan jer», «Atajurt», «Kóne tarıh kúmbezi» jáne ózge de aıdarlardy erekshe atap ótkim keledi. Jalpy, «Rýhanı jańǵyrý» baǵdarlamasynyń rýhy gazettiń bolmys-bitimi men tutas mazmuynnan kún saıyn aıshyqty kórinis taýyp otyr.
Sáýir aıynan qarasha aıynan deıin «Rýhanı jańǵyrý» baǵdarlamasy boıynsha 540, bilim salasyna qatysty 850 maqala jarııalandy. Bulardyń basym bóligi eldegi zııaly qaýym ókilderi men zııaly qaýym ókilderiniń oı-tolǵaýlary, pikirleri bolyp tabylady», - deıdi ol.
Darhan Qydyráli óz sózinde «Egemen Qazaqstannyń» eń oqylatyn úshinshi beti «Rýhanı jańǵyrýǵa» baǵdarlamasyna arnalǵanyn aıtyp berdi.
«Bulardyń ishinde baǵyttardyń bárin qamtýǵa tyrystyq. Shilde aıynda bir saraptama boıynsha, «Egemen Qazaqstanda» jarııalanǵan maqalalar Qazaqstanda jaryq kórgen búkil qazaq jáne orys tilindegi materıaldardyń sanynan artyq eken. Demek, Egemen - kósh basynda keledi. Ásirese, latyn grafıkasyndaǵy álipbıge baılanysty óte kóp materıal shyqty. Biz jurtshylyqtyń barlyq usynystaryn berýge tyrystyq», - deıdi basylym basshysy.
Darhan Qydyráli sonymen birge, oqyrmanǵa osy amanatty jetkizý maqsatynda 13 sáýirden bastap 32 mıllıon gazet basylsa, ınternet jetpeıtin aýyldarǵa «Rýhanı jańǵyrýdyń» amanaty Egemen Qazaqstan arqyly jetkenin aıtady.
«Rýhanı jańǵyrý» boıynsha qoldaý hattar kelip, gazette jarııalandy. Osy ýaqytqa deıin oqyrmandardan myńnan astam hat keldi. Kópshiligin berýge tyrystyq. Qazaq qoǵamynyń tynysy men qundylyqtaryn orys jáne aǵylshyn qaýymyna jetkizý maqsatynda egemen.kz saıty aǵylshyn jáne orys tilinde jumys júrgize bastady. Bul endi elimizdegi úsh tuǵyrly til saıasatyn júrgizý maqsatynda qolǵa alynyp otyr. Sonymen qatar, Egemenniń onlaın jańalyqtary latyn jáne tóte jazýda taratylady. Konverter ornatyp qoıdyq», - deıdi Darhan Qydyráli.
Sonymen birge, «Rýhanı jańǵyrý» baǵdarlamasyn keńirek nasıhattaý úshin gazet tilshileri barlyq óńirdegi oqyrmandarmen kezdesý ótkizgen. Kezdesý barysynda «Rýhanı jańǵyrýdyń» mán-mazmunyn kópke jetkizilgen.
Darhan Qydyráli sonymen birge, Ulytaý ekpedıtsııasy týraly sóz qozǵap, ol bastama ǵylymı ortada keńinen qoldaý tapqanyn atap ótti.
«Biz budan keıin de jumystardy jalǵastyra beremiz. «Rýhanı jańǵyrý» baǵdarlamasy bizdiń 100 jyldyq basylymymyzdyń mán-mazmunymen úılesedi. 2018 jyly gazet óziniń josparyn jasap jatyr», - dep túıdi Darhan Qydyráli.
