Darhan Qydyráli Mońǵolııa Ulttyq Ǵylym akademııasynyń Qurmetti doktory ataǵyn aldy

ASTANA. QazAqparat - Búgin Astanada ótip jatqan «Uly dala» gýmanıtarlyq ǵylymdar forýmynda Halyqaralyq Túrki akademııasynyń (TWESCO) basshysy Darhan Qydyrálige Mońǵolııa Ulttyq Ǵylym akademııasynyń Qurmetti doktory ataǵy berildi, dep habarlaıdy QazAqparat.

«Mońǵolııa men Túrki áleminiń arasyndaǵy ǵylymı yntymaqtastyqty damytýǵa qosqan eńbegi jáne kóshpeliler murasyn zertteýge qosqan zor úlesi úshin taǵaıyndalǵan marapatty Mońǵolııa Ulttyq Ǵylym akademııasynyń І vıtse-prezıdenti, akademık Gelegpıl Chýlýýnbaatar tapsyrdy», -dep atap ótilgen taratylǵan málimette.

G. Chýlýýnbatardyń aıtýynsha, Darxan Qydyráli Akademııanyń Qurmetti doktory ataǵy berilgen besinshi adam.

Aıta ketý kerek, Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasyna arnalǵan Forým jumysyna AQSh-tan, Eýropa men Azııa elderinen kelgen 200-ge jýyq ǵalymdar qatysýda.

Akademııa saıtynyń málimetine qaraǵanda, keshe Túrki akademııasy halyqaralyq uıymy (TWESCO) men Mońǵolııa Ulttyq Ǵylym akademııasy ózara yntymaqtastyq memorandýmyn bekitti. Qujatta kórsetilgen sharttarǵa sáıkes, taraptar ǵylym salasyndaǵy mańyzdy jumystardy jetildirip, tıimdiligin arttyrý maqsatynda ortaq ǵylymı-zertteýler men jobalardy júzege asyrýǵa kelisti. Atap aıtqanda, birlesken ǵylymı-zertteý ekspedıtsııasyn ótkizýge, ǵalymdar men zertteýshiler arasynda ózara tájirıbe almasýǵa, jas ǵalymdardy taǵylymdamadan ótkizýge, sonymen qatar tarıhı derekkózder men eskertkish keshenderin birlesip zertteýge ýaǵdalasty.