Darhan Qydyráli: Meta jáne TikTok-pen tyǵyz baılanysta jumys isteımiz

ASTANA. QazAqparat – QR Aqparat jáne qoǵamdyq damý mınıstrligi Meta jáne TikTok-pen tyǵyz baılanysta jumys isteıtin bolady. Bul jaıynda vedomstvo basshysy Darhan Qydyráli AstanaMediaWeek dástúrli halyqaralyq forýmynda málim etti, dep habarlaıdy QazAqparat tilshisi.

«Aıta keteıik, búgin qonaqtar arasynda Meta jáne TikTok-tyń jaýapty ókilderi otyr. Biz bul iri kompanııalarmen tyǵyz baılanysta jumys isteıtin bolamyz. Meta Qazaqstanda ókildik, al TikTok ofıs ashýǵa, sonymen qatar medıasaýattylyqqa oqytýǵa nıetti», - dedi mınıstr.

Sonymen qatar, ol vızýaldykontent aqparat alýdyń negizgi kózine aınalyp bara jatqanyn eske saldy.

«2021 jyldyń derekteri boıynsha 16-64 jas aralyǵyndaǵy ınternet paıdanýshylardyń 63 protsenti ınternetti negizinen aqparatqa jyldam qol jetkizý úshin paıdalanady. Osylaısha ınternettegi jańalyqtar men vızýaldy kontent aqparatty qabyldaýdyń negizgi arnasyna aınaldy», - dedi Darhan Qyryáli.