Darhan Qydyráli Majarstannyń ofıtserlik krest ordenimen marapattaldy
ASTANA. QazAqparat - Halyqaralyq Túrki akademııasynyń prezıdenti, «Egemen Qazaqstan» respýblıkalyq gazeti» aktsıonerlik qoǵamynyń Basqarma tóraǵasy Darhan Qydyráli Majarstannyń ofıtserlik krest ordenimen marapattaldy, dep habarlaıdy QazAqparat.
«Majarstan Prezıdentiniń №321/2017 (VIII.22) marapat tabys etý týraly jarlyǵyna sáıkes, Majarstan Premer-mınıstriniń usynýymen Darhan Qýandyquly Qydyráli Qazaqstan Respýblıkasy men Majarstan arasyndaǵy ǵylymı jáne mádenı qarym-qatynastardy nyǵaıtýǵa, sondaı-aq tanymal túrkitanýshy Ishtvan Qońyr Mandokıdiń qundy eńbegin saqtaýǵa qosqan úlesi úshin Halyqaralyq Túrki akademııasynyń prezıdenti, «Egemen Qazaqstan» respýblıkalyq gazeti» aktsıonerlik qoǵamynyń Basqarma tóraǵasy Darhan Qýandyquly Qydyráli Majarstanǵa sińirgen eleýli eńbegi úshin ofıtserlik krest ordenimen marapattaldy», - delingen Qazaqstan Respýblıkasynyń Majarstandaǵy Elshiliginiń habarlamasynda.
Aıta keteıik, talǵan orden Majarstannyń eń joǵary marapattarynyń biri bolyp sanalady.
Darhan Qydyráli - ǵalym, pýblıtsıst, tarıh ǵylymdarynyń doktory, QR UǴA-nyń korrespendent-músheci (2017), L.N.Gýmılev atyndaǵy Eýrazııa ulttyq ýnıversıtetiniń professory (2012 j), Ázerbaıjan Ulttyq ǵylym akademııasynyń Qurmetti doktory (2016 j), Mońǵolııa Ulttyq ǵylym akademııasynyń Qurmetti doktory (2017), Halyqaralyq túrki akademııasynyń prezıdenti (2014 jyldan) jáne 2016 jyldan bastap, «Egemen Qazaqstan» respýblıkalyq gazeti» aktsıonerlik qoǵamynyń Basqarma tóraǵasy.
