Darhan Qydyráli: Mass-medıa týraly zań jýrnalıstiń quqyǵyn aıqyndaıdy

TALDYQORǴAN. QazAqparat - Aqparat jáne qoǵamdyq damý mınıstri Darhan Qydyráli Taldyqorǵanǵa sapary barysynda Jetisý óńiriniń jurtshylyǵymen kezdesti, - dep habarlaıdy QazAqparat tilshisi.

Basqosýǵa úkimettik emes uıym basshylary, dinı birlestik jetekshileri men jergilikti buqaralyq aqparat quraldarynyń qyzmetkerleri qatysty.

Jıynda azamattyq qoǵam qalyptastyrý boıynsha atqarylǵan jumystar talqylanyp, mass-medıa týraly zań men jýrnalısterdiń mártebesi jaıynda birqatar másele kóterildi.

Darhan Qydyráli jańadan qurylǵan oblystyń ıdeologııalyq áleýetiniń joǵary ekenin aıtyp, óńirdiń eriktileri atqaryp jatqan jumystaryn erekshe baǵalap ótti.

«Mass-medıa týraly zań jýrnalıstiń quqyǵyn aıqyndaıdy. Onyń mártebesin belgilep, bekitedi. Biz árıne ol zańnyń da jetilýine, júrýine mınıstrlik retinde kómek kórsetemiz», - dedi QR Aqparat jáne qoǵamdyq damý mınıstri Darhan Qydyráli.