Darhan Qydyráli erli-zaıypty jýrnalısterdiń ustalýyna baılanysty pikir bildirdi
Jýrnalıster saýalyna jaýap bere kele, Darhan Qydyráli buǵan deıin jýrnalısterge shabýyldar bolǵan kezde mınıstrlik resmı málimdeme jasaǵanyn eske saldy.
«Biz jýrnalısterge shabýyl kezinde árdaıym olardyń quqyǵyn qorǵadyq. Oǵan qatysty málimdemeler jasadyq. Shabýyldardyń birazy anyqtaldy. Al endi keıbir áriptesterdiń máselesine kelsek, ol shynynda da jýrnalıstik qyzmetine qatysty emes. Eger ol jerde bopsalaý nemese basqa da máseleler bolsa, ol tergeý aıasyna kiredi. Sondyqtan jalpy jýrnalıster quqyǵynyń buzylmaýyna mán beremiz», - dedi ol.
Mınıstr erli-zaıypty jýrnalıster Nargız jáne Valıdımır Severnyıdyń máselesi tergelip jatqandyqtan qandaı da bir málimet bere almaıtynyn aıtty.
«Biz qarap otyrmyz. Endi tergeýge aralasa almaımyz ǵoı. Oǵan baılanysty málimet bolsa, men sizderge málimet beremin... Men taza jýrnalıstik qyzmet dep oılamaımyn. Oǵan baılanysty biz tıisti qurylymnan málimetter suraımyz. Tergeý júrip jatqandyqtan men buǵan baılanysty málimet aıta almaımyn. Bul olardyń jýrnalıstik qyzmetine baılanysty emes. Soǵan baılanysty men komentarıı bere almaımyn», - dedi Aqparat jáne qoǵamdyq damý mınıstri.
