Darhan Qydyráli BUU Bas Assambleıasynyń tóraǵasymen kezdesti

NUR-SULTAN. QazAqparat - BUU Bas Assambleıasynyń tóraǵasy Volkan Bozkyr Túrki akademııasyna arnaıy keldi. Bul týraly QazAqparat Akademııanyń baspasóz qyzmetine silteme jasap habarlaıdy.

Mártebeli meımandy Túrki akademııasynyń prezıdenti Darhan Qydyráli qarsy aldy.

Túrki akademıasynyń kitaphanasymen jáne ondaǵy mol kitap qorymen tanystyrǵan Akademııa basshysy BUU Bas Assambleıasynyń tóraǵasyna uıymnyń jumysy týraly keń málimet berdi.

Óz kezeginde kórnekti dıplomat Volkan Bozkyr túrki tildes elder arasyndaǵy yntymaqtastyqty nyǵaıtýda Akademııanyń aıryqsha mańyzdy uıym ekenine toqtalyp, atqarylǵan jumystarǵa rızashylyǵyn bildirdi.

Akademııa basshysy meımanǵa arnaıy qurmet kórsetip, Túrki akademııasy jaryqqa shyǵarǵan baǵaly basylymdardy tartý etti.

Eske alsaq, BUU Bas Assambleıasynyń tóraǵasy Volkan Bozkyr 8-9 shilde aralyǵynda Qazaqstanǵa resmı saparmen keletindigi týraly habarlaǵan bolatynbyz.