Darhan Qydyráli: Zań zorlyq-zombylyqty azaıtady dep senemiz

ASTANA. KAZINFORM — Qazaqstan Parlamenti Senatynyń depýtaty Darhan Qydyráli áıelder quqyǵy men balalardyń qaýipsizdigin qamtamasyz etý jónindegi zań týraly Facebook áleýmettik jelisinde jazba qaldyrdy.

Depýtat zań áıelder men balalarǵa jasalatyn zorlyq-zombylyqty azaıtýǵa septigin tıgizetinine senim bildirdi.

«Memleket basshysy áıelderdiń quqyqtarymen balalardyń qaýipsizdigin qamtamasyz etý týraly zańdarǵa qol qoıdy Prezıdenttiń 2022 jylǵy 16 naýryzdaǵy jáne 2023 jylǵy 1 qyrkúıektegi joldaýlarynda áıelder men balalarǵa qatysty zorlyq-zombylyq úshin jazany qatańdatýdy tapsyrǵany belgili. Engizilgen túzetýler qoǵamda qyzý talqylandy. Zań áıelder men balalarǵa jasalatyn zorlyq-zombylyqty azaıtady dep senemiz», - dedi Darhan Qydyráli.

Eske sala keteıik, búgin Prezıdent áıel quqyǵy men balalardyń qaýipsizdigin qamtamasyz etetin zańdarǵa qol qoıdy.