Darhan Káletaev jýrnalısterdi marapattady
ASTANA. QazAqparat - QR Aqparat jáne baılanys qyzmetkerleri kúnine oraı QR Din isteri jáne azamattyq qoǵam mınıstri Darhan Qaletaev jýrnalısterdi kásibı merekesimen quttyqtady, dep habarlaıdy QazAqparat tilshisi.
Atap aıtqanda, din jáne azamattyq qoǵam, jastar saıasaty salasyndaǵy memlekettik saıasatqa aqparattyq qoldaý kórsetken tilshiler marapattaldy.
Mınıstrdiń alǵys hatyn «Habar» telearnasynyń prodıýseri Janna Jaılaýbaıqyzy, «Habar» telearnasynyń tilshisi Gúlnaz Aıtaqova, «Qazaqstan» telearnasynyń prodıýseri Gúlvıra Bekqulıeva, «Egemen Qazaqstan» gazetiniń tilshisi Raýan Qaıdarov, «Kazahstanskaıa pravda» gazetiniń tilshisi Inesh Birjanova, «Sodrýjestvo» press-klýbynyń ortalyqazııalyq baǵytyń redaktory Janar Tólendınova aldy.
Sondaı-aq, marapatqa ıe bolǵandar qatarynda «BAQ.kz» aqparat agenttiginiń tilshisi Dáýren Erbolat, «Іnformburo» saıtynyń reporteri Ámına Malakshınova, «QazTAG» aqparat agenttiginiń tilshisi Baýbek Qońyrov jáne «Atameken business channel»telearnasynyń prodıýseri Erbolat Muhamedjan bar.
«QazAqparat» halyqaralyq aqparat agenttiginiń shef-redaktory Aıgúl Tólekbaeva, shyǵarýshy redaktory Almas Jumabaev pen agenttik tilshisi Aıjan Serikjanqyzy da Alǵys hatpen marapattaldy.
Sonymen birge, saltanatty jıynda mınıstr Qaletaev tanymal jýrnalıst Qanat Áýesbaı men Astana telearnasynyń júrgizýshisi Erlan Sısenovty quttyqtady.
