Darhan Káletaev: «Jastar jyly» bastamasy - jastardyń bolashaqqa degen senimin arttyrady

ASTANA. QazAqparat - Qazaqstan Respýblıkasynyń Prezıdenti Nursultan Ábishuly Nazarbaevtyń Qazaqstan halqyna Joldaýy asa mańyzdy, mazmundy, naqty ári aýqymdy máselelerdi qamtyp otyr. Bul pikirdi QR Qoǵamdyq damý mınıstri Darhan Káletaev bildirdi, dep habarlaıdy QazAqparat.

Mınıstrdiń aıtýynsha, Elbasy jaqyn bolashaqta memlekettiń aldynda turǵan shetin máselelerdi búkpesiz, ashyq talqyǵa salyp, ol máselelerdi sheshýdiń joldaryn aıqyn kórsetip berdi.

«Elbasy men eldiń arasyndaǵy mundaı baılanys formaty jurttyń kóńilinen shyqqany anyq. Sonyń ishinde, Memleket basshysynyń 2019 jyldy «Jastar jyly» dep jarııalaý týraly bastamasy qazaqstandyq jastardyń qyzý qoldaýyn týǵyzǵanyn basa aıtqym keledi. Prezıdent usynysy jastardyń bolashaqqa degen senimi men úmitin eselep arttyryp jatqandaı. Muny biz qoǵamdaǵy, aqparat quraldary men áleýmettik jelidegi jastardyń pozıtıvti, tolassyz pikirlerinen aıqyn baıqap otyrmyz. Árıne, Elbasymyzdyń aldaǵy jyldy «Jastar jyly» dep jarııalaýy bizdiń mınıstrlik úshin de úlken mártebe ári zor jaýapkershilik ekenin tereń túsinemiz. Biz Prezıdent Joldaýyndaǵy ózekti de naqty tapsyrmalardy oıdaǵydaı jáne ýaqytynda oryndaýǵa bar kúsh-jigerimizdi salatyn bolamyz»,-dedi mınıstr.