Darhan Káletaev QR velosport federatsııasynyń basshylyǵynan ketti
NUR-SULTAN. QazAqparat – Qazaqstan velosıped sporty federatsııasyna jańa basshy keldi, dep habarlaıdy QazAqparat.
Federatsııanyń aqparatyna sáıkes, Darhan Káletaev QR velosport federatsııasynyń prezıdenti ókilettigin ózdigimen toqtatqan.
Jańa basshy bolyp Nurlan Smaǵulov taǵaıyndaldy.
«Keńeıtilgen otyrysy barysynda federatsııanyń barlyq músheleri uıymnyń basshylyǵyna N. Smaǵulovtyń kandıdatýrasyn biraýyzdan qoldap, daýys berdi. Jańa prezıdenttiń ókilettigi 4 jyldy quraıdy», - delingen habarlamada.
Keńeıtilgen otyrysqa sondaı-aq QR Ulttyq Olımpıadalyq komıtetiniń bas hatshysy Sáken Musaıbekov, QR Mádenıet jáne sport mınıstri Aqtoty Raıymqulova qatysty.
N. Smaǵulov 1992 jyly qurylǵan «Astana Motors» QMK tarıhymen birge bastaý alatyn Astana Group kompanııasynyń negizin qalaýshy. Búginde «Astana Group» kompanııalar tobynyń prezıdenti.
2007 jyly «Qurmet» memlekettik ordenimen marapattaldy. 2009 jyly halyqaralyq Ernst&Young aýdıtorlyq kompanııasynyń «Jyl kásipkeri» (Entrepreneur of the year award) Halyqaralyq baıqaýynyń ulttyq kezeńiniń jeńimpazy atandy. 2018 jyly óndiris qyzmetine sińirgen eńbegi jáne elimizdiń áleýmettik-ekonomıkalyq damýyna qosqan úlesi úshin ІІ dárejeli «Barys» ordenimen marapattaldy.
