Darhan Haırýllın SQO Memlekettik qyzmet isteri departamentin basqarady
PETROPAVL. KAZINFORM — Soltústik Qazaqstan oblysy boıynsha Memlekettik qyzmet isteri departamentine jańa basshy taǵaıyndaldy.
47 jastaǵy Darhan Haırýllın Reseıdiń Omby qalasynda týǵan. Joǵary bilimdi ekonomıst jáne zańger.
Eńbek jolyn 2002 jyly Aqmola oblysy sottar ákimshisiniń Kókshetaý aýmaqtyq bóliminde sot oryndaýshysy bolyp bastaǵan. Keıin osy memlekettik organda atqarýshylyq is júrgizý jáne sot prıstavtary qyzmeti bóliminde bas maman qyzmetin atqarǵan.
2007-2025 jyldary Aqmola oblysy boıynsha Memlekettik qyzmet isteri basqarmasy men departamentinde túrli laýazymdarda jumys istedi.
2025 jyly Shyǵys Qazaqstan oblysy boıynsha Memlekettik qyzmet isteri departamenti basshysynyń orynbasary qyzmetine aýystyryldy.
Al 2026 jyldyń sáýir aıynan bastap SQO boıynsha Memlekettik qyzmet isteri departamenti basshysy bolyp taǵaıyndaldy. Sonymen qatar, ol óńirlik Ádep jónindegi keńesti de basqarady.
Al buǵan deıin óńirdegi departamentti basqarǵan Erjan Qarymsaqov Túrkistan oblysynda Memlekettik qyzmet isteri departamentine basshy bolyp taǵaıyndaldy.
