Darhan Bazarbaevtyń otbasyna qajetti kómek kórsetiledi - mınıstr
NUR-SULTAN. QazAqparat - QR Іshki ister mınıstrligi qaskóıdiń qolynan qaza tapqan polıtsııa qyzmetkeri Darhan Bazarbaevtyń otbasyna qajetti kómek kórsetedi. Bul jaıynda QR Іshki ister mınıstri Erlan Turǵymbaev aıtty, dep habarlaıdy QazAqparat tilshisi.
«Polıtsııa qyzmeti ómirge qaýip-qatermen baılanysty mamandyq. Ókinishke qaraı Qazaqstannyń Táýelsizdik jyldarynda qyzmettiń paryzyn óteý barysynda 791 qyzmetker qaza taýyp, 2 510-y jaraqat aldy. Solardyń biri aýyr jaraqat alsa da qarýly qylmyskerdi qarýsyzdandyryp ustaǵan Darhan Bazarbaev edi. Mundaı árbir ólim qyzmetkerlerimizdiń jaqyndaryna ǵana emes, búkil Іshki ister mınıstrligi úshin zor qaıǵy. Olardyń esimderi Qazaqstan polıtsııasynyń tarıhyna máńgi jazyldy. Bazarbaev Darhan Serikulynyń týystary men jaqyndaryna shyn nıetten kóńil aıtamyn. Іshki ister mınıstrligi onyń otbasyna qajetti kómek kórsetetin bolady», - dedi Erlan Turǵymbaev.
QR ІІM baspasóz qyzmeti taratqan aqparatqa qaraǵanda, Darhan Bazarbaevpen baquldasý rásimi 21 qańtar kúni ótedi. Polıtsııa qyzmetkeri Áýlıekól aýdanyndaǵy týǵan aýyly Lavrentevkada jer qoınyna beriledi.
Aıta keteıik, búgin QR Prezıdenti Qasym-Jomart Toqaevtyń Jarlyǵymen qyzmettik boryshyn atqarý ústinde kóz jumǵan polıtseı Darhan Bazarbaev ІІІ dárejeli «Aıbyn» ordenimen nagradtalǵan bolatyn.
Eske salsaq, Darhan Bazarbaev 19 qańtar kúni qyzmettik mindetin atqarý kezinde qaskóıdiń qolynan mert boldy.
