Darhan Ahmedıev Qorǵanys mınıstriniń orynbasary laýazymynan bosatyldy
ASTANA. KAZINFORM - Memleket basshysynyń ókimimen Darhan Meıramuly Ahmedıev Qazaqstan Respýblıkasy Qorǵanys mınıstriniń orynbasary laýazymynan bosatyldy.
Bul týraly Aqorda jarııalady.
Darhan Ahmedıev Qaraǵandy memlekettik tehnıkalyq ýnıversıtetin («Aqparattyq qaýipsizdik júıeleri» mamandyǵy boıynsha) úzdik bitirgen, «Bolashaq» stıpendııasynyń ıegeri (King ' s college London (Cyber security).
Til bilýi: qazaq, orys, aǵylshyn, túrik.
Prezıdenttik jastar kadr rezerviniń múshesi.
Úılengen, 3 balasy bar.
Mansap
Eńbek jolyn 2012 jyly «Ulttyq aqparattyq tehnologııalar» AQ taldaýshysy retinde bastaǵan.
2013-2015 jyldary QR Tótenshe jaǵdaılar mınıstrliginde jáne QR ІІM Tótenshe jaǵdaılar komıtetinde sarapshy bolyp jumys istedi. Keıinnen QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń bas sarapshysy laýazymyna qabyldandy.
2017 jyldan bastap 2019 jylǵa deıin QR Qorǵanys jáne aeroǵarysh ónerkásibi mınıstrliginiń basqarma basshysy bolyp jumys istedi.
2019 jyly QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń elektrondyq ónerkásipti damytý departamenti dırektorynyń orynbasary qyzmetine kiristi.
2020 jyly QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń ІT damý departamentiniń dırektory bolyp taǵaıyndaldy.
2022 jylǵy 15 sáýirde Qazaqstan Respýblıkasy Prezıdentiniń Jarlyǵymen Qorǵanys mınıstriniń orynbasary bolyp taǵaıyndaldy.
