Dárigerlerge qosymsha 1 mln 700 myń teńgege deıin tólem berilýi múmkin
ASTANA. KAZINFORM – Dárigerlerdiń eńbegin baǵalaý maqsatynda Densaýlyq saqtaý mınıstrligi jańa yntalandyrý tetikterin engizip jatyr. Jumysty sapaly ári artyǵymen atqarǵan medıtsına qyzmetkerlerine toqsanyna 1,7 mln teńgege deıin qosymsha tólem berilýi múmkin. «JibekJoly» arnasyndaǵy «BúginLive» baǵdarlamasynda Ulttyq densaýlyq saqtaýdy damytý ortalyǵynyń basqarýshy dırektory, terapevt-dáriger Janar Botagarına buǵan qatysty pikir bildirdi.
Eń bastysy ındıkatorlar tolyǵymen avtomattandyrylǵan. ıAǵnı, qosymsha qaǵazbastylyq joq. Barlyǵy resmı túrde tirkelip otyrady. Aıta keteıik, qaraja tek dárigerlerge ǵana emes, ýchaskelik medbıkeler men feldsherlerge, sonymen qatar, júkti áıeldermen jumys isteıtin áıelderge de qarastyrylǵan.
Sarapshylardyń sózinshe mundaı tólemder erekshe eńbek jaǵdaıynda jumys istep júrgen medıtsına qyzmetkerlerin yntalandyryp, sapaly qyzmet kórsetýge serpin beredi.
– Bunyń barlyǵy emhanadaǵy dárgilerlerge qolaıly jaǵdaı jasaý maqsatynda qarastyrylǵan. Sebebi emhanada isteıtin mamandardyń jumysy fızıkalyq ári psıhıkalyq turǵyda óte aýyr. Bulaı deıtinimiz, sońǵy ýaqytta sozylmaly emes jáne sozylmaly-juqpaly aýrý sany kóbeıdi. Yntalandyrý komponent júıesi 2011 jyly engizilgen bolatyn. Sodan beri bul júıe jetildirilgen joq. Másele bıyl taǵy da qolǵa alynyp otyr. Negizgi maqsat – emhana qyzmetkerlerin yntalandyrý, - deıdi Janar Botagarına.
Al jańa júıe qalaı jumys isteıdi? Qyzmetkerlerdiń jumysy qalaı baǵalanady? Stýdııa qonaǵy buǵan qatysty bylaı dep jaýap berdi.
– Jalpy baǵalaý júıesiniń eń joǵarǵy upaıy – 7 ball. Qyzmetker sony 100 ballǵa deıin jetkizýi kerek. Ony qalaı jınaý kerek? Mysaly, aımaqtyq topty alaıyq. Olardyń ózderiniń ýchaskelik toptary bolady. Tizimge tek qana dárigerlerg ǵana emes medbıkeler men feldsherler de kiredi. Eger olar óz aýmaǵy boıynsha júktelgen mindettemelerdi ýaqytyly oryndap, tıisti talaptardy tolyq oryndasa, qosymsha tólem alýǵa múmkindik týady. Al bul jumystar tolyǵymen avtomattandyrylǵan. Ár qyzmetkerdiń atqarǵan jumysy arnaıy júıede tirkelip turady. Sol arqyly basshylyq upaılaryn esepteıdi. Birinishi 25%-y qant dıabetimen aýyrtyndarǵa kómek kórsetý, ekinshi 25 % joldama berý, úshinshiden sol ýchaskede ana ólimi men bala ólimi bolmaý kerek jáne aýdıologııalyq skrınıng. Jańa týǵan balalardyń estý qabyletin tekserý de 25 %. Sonyń barlyǵy 100 ball bolady. Joǵaryda aıtylǵan ár ball 4,5 AEK-ten (1 AEK – 3 932 tg) turady, - dedi terapevt-dáriger.
Aıtpaqshy, jańa yntalandyrý júıesi aýyldyq jerlerde eńbek etetin medıtsına qyzmetkerlerine de qatysty. Barlyǵyna qoıylatyn talap bir. Tek, ball jınaý merziminde aıyrmashylyq bolýy múmkin.
– Ár aımaqtaǵy, ár ýchaskedegi tirkelgen adam sany men aýrý túrleri ártúrli. Máselen, eger bir aýmaqta qart kisioler sany kóp bolsa, týý jasyndaǵy áıelder sany kóp bolsa, sáıkesinshe sol aımaq kóbirek ball jınaıdy. Al, endi basqa bir qurylymnyń emdelshileri az bolsa, onda árıne ball jınaý merzimi uzaqqa sozylady, - deıdi Ulttyq densaýlyq saqtaýdy damytý ortalyǵynyń basqarýshy dırektory Janar Serikqyzy.
Aıta keteıik, bul júıe jalpy tájirıbelik dárigerlerdiń mártebesi kóretýge jol ashady. Ári qyzmet kórsetý sapasyn arttyrýǵa serpin beredi,-deıdi sala mamandary.
Buǵan deıin, sozylmaly aýrýlardyń aldyn alǵan dárigerlerge syıaqy beriletinin habarlaǵan bolatynbyz.