Dárigerlerge arnalǵan JI-assıstent jumys isteıtin bolady
ASTANA. KAZINFORM — Premer-mınıstr Oljas Bektenovtyń tóraǵalyǵymen Tsıfrlyq shtabtyń otyrysy ótti. Bul týraly Úkimettiń baspasóz qyzmeti málim etti.
— Densaýlyq saqtaý salasynda NQA-ǵa ózgerister engizý negizinde JI damıtyn bolady, bul medıtsınalyq mekemelerge otandyq ınnovatsııalyq jobalardy engizýge septik etedi, — delingen habarlamada.
Máselen, dárigerlerge arnalǵan JI-assıstent, onkologııalyq jáne taǵy da basqa aýrýlardy erte anyqtaý boıynsha fýnktsıonal iske qosylmaq.
Osy jyldyń sońyna deıin 7 aqparattyq júıe 2-ge biriktirilmek. Osyndaı jumyspen salada jumys istep turǵan barlyq 30 AJ qamtylady.
Osylaısha, birin biri qaıtalaıtyn júıeler shoǵyrlandyrylady, bul medıtsınalyq personaldyń jumysyn jeńildetip, júktemesin azaıtady.
Aıta keteıik, buǵan deıin Joldaý aıasynda medıtsınalyq kómek sapasyn basqarýdyń keshendi jospary ázirlenetinin jazǵan edik.