Dárigerler ushaqta ınsýlt alǵan japondyq azamattyń qazirgi jaǵdaıy týraly aıtty

ASTANA. KAZINFORM – Elorda dárigerleri Tokıodan Tsıýrıhke baǵyt alǵan reıste ınsýlt alǵan japon azamatynyń jaǵdaıy týraly aıtty.

«Patsıentti ınsýlt ortalyǵynyń palatasyna aýystyrdy», - dedi elordanyń qoǵamdyq Densaýlyq saqtaý basqarmasynan agenttik tilshisine.

Buǵan deıin astanalyq dárigerlerdiń Tokıo-Tsıýrıh áýe reısinde ınsýlt alǵan Japonııa azamatynyń ómiri úshin kúresip jatqany týraly habarlaǵan edik. Sol kezde mamandar patsıenttiń aýyr hálde ekenin aıtty.

Eske sala keteıik, 17 tamyzda Astanadan barlyq reıs ýaqytsha toqtatylyp, áýejaı eki saǵatqa jabylǵan edi. Oǵan sebep 50 jastaǵy jolaýshy ınsýlt alǵan, sosyn áýe ekıpajy elorda áýejaıyna qonýǵa shuǵyl sheshim qabyldaǵan bolatyn.