Dárigerler shala týǵan balany qutqardy

ASTANA. KAZINFORM – Almaty qalasynyń № 2 Qalalyq perınataldy ortalyǵynda dárigerleri 29 apta merziminde týǵan náresteniń ómirin saqtap qaldy. Onyń salmaǵy bar-joǵy 960 gramm, boıy - 37 sm boldy.

Dırektordyń neonataldi qyzmeti jónindegi orynbasary Sarbas Aınurym Álipbaıyzynyń aıtýynsha, ul bala shuǵyl kesar tiligi arqyly dúnıege keldi.

- Operatsııa platsentanyń merziminen buryn bólinýine jáne balanyń ómirine qaýip tóndirýine baılanysty qajet boldy. Keıin náresteniń qalpy birden Apgar shkalasy boıynsha baǵalanyp, 1/3 ball boldy - jaǵdaı óte qıyn boldy jáne bul onyń ómiri úshin kúres bastaldy degendi bildirdi, - delingen DSM habarlamasynda.

Bala birden jańa týǵan nárestelerdiń reanımatsııa bólimine aýystyryldy, onda oǵan tynys alý úshin apparattyq qoldaý qamtamasyz etildi, ókpeni ashý úshin sýrfaktant engizildi, bakterııaǵa qarsy terapııa júrgizip, zond arqyly qýattandyrýdy bastady. Dáriger-reanımatologtarmen medbıkeler komandasy táýlik boıy qarap, oǵan kúsh alýǵa kómektesti.

Jetinshi táýlikte, jaǵdaı turaqtanǵan soń, bala qarqyndy terapııa palatasyna aýystyryldy, al tórt kúnnen keıin anasymen birge bolý palatasyna aýystyryldy.

44 kún ómir úshin kúresten keıin, ol 2000 gramm salmaǵymen úıine shyǵaryldy.

Densaýlyq salasyndaǵy derekti jınaý jáne saqtaý júıesi jetildirilmek.