Dárigerler Rım Papasyna adam kóp jınalatyn jerge barmaýdy usyndy
ASTANA. KAZINFORM - Jeksenbi kúni tústen keıin Frantsısk 38 kún bolǵan Agostıno Djemellı aýrýhanasynan shyǵaryldy, dep habarlaıdy euronews.com.
Pontıfık ǵımarattyń onynshy qabatyndaǵy balkonda múgedekter arbasynda otyryp, ǵımarat aldyna jınalǵandarǵa batasyn berdi. Bul onyń bes aptadan keıin alǵash kópshilik aldyna shyǵýy edi.
Beti isip turǵan ol kópshilikke birer sóz ǵana aıtty: «Men sary gúl ustaǵan áıeldi kórip turmyn. Bravo!».
Joy all around as Pope Francis makes his first appearance since he was hospitalised on February 14th, saying a few words and imparting his Apostolic Blessing in silence. Later this afternoon he will be discharged from hospital and return to the Vatican. pic.twitter.com/Nuaxo76hrL
— Catholic Sat (@CatholicSat) March 23, 2025
Balkonda ol ózdiginen demaldy, biraq Vatıkanǵa barar jolda kólikte ottegi tútigin paıdalanǵan. Ony dindarlar kóshede qarsy aldy.
Aýrýhanadan shyqqan Rım Papasy emin jalǵastyrý úshin rezıdentsııasyna bardy. Dárigerler oǵan eki aı demalý keregin aıtqan. Onyń qoǵamdyq qyzmeti shekteledi. Dárigerlerdiń pikirinshe, pontıfık adam kóp jınalatyn jerlerge barmaýy kerek.
88 jastaǵy Rım Papasy Frantsısk 14 aqpanda bronhıtpen aýrýhanaǵa túsken. Osydan keıin onyń jaǵdaıy nasharlady: oǵan eki jaqty pnevmonııa dıagnozy qoıyldy. Katolık shirkeýiniń basshysy antıbıotıktermen emdelip, naýryz aıynyń basynda jasandy tynys alý apparatyna jatqyzyldy.
Jas kezinde pontıfıktiń ókpesiniń bir bóligin alyp tastaǵan jáne ómir boıy tynys alý problemasynan zardap shegip keledi.
Dárigerler Rım papasynyń densaýlyǵyna qatysty derekti jarııalaǵan bolatyn.
Vatıkan Rım papasynyń aýrýhanaǵa túskennen keıingi alǵashqy fotosýretin jarııalady.