Dárigerler iri jol apatynan zardap shekkenderdiń jaǵdaıy týraly baıandady

ASTANA. KAZINFORM — Aqmola oblysynda bolǵan jappaı jol apatynda 20 adam, onyń ishinde 8 bala jaraqat aldy. 

— Aqkól ortalyq aýdandyq aýrýhanasyna túrli deńgeıde jaraqat alǵan 3 adam jetkizildi. Barlyǵynyń jaǵdaıy turaqty. Bulandy ortalyq aýdandyq aýrýhanasyna 11 adam tústi, olardyń beseýi, sonyń ishinde bir bala aýrýhanaǵa jatqyzyldy. Zardap shekkenderge bas-mı jaraqaty, súıek synýy jáne dene kógerýi dıagnozdary qoıyldy. Altaýy ambýlatorlyq emdelýge jiberildi, - dep habarlady oblystyq densaýlyq saqtaý basqarmasy.

Sondaı-aq Býrabaıdaǵy medıtsınalyq ortalyqqa tórt adam, onyń ishinde bir bala jetkizildi. Olardyń bireýi aýrýhanaǵa jatqyzylǵan, úsheýi ambýlatorlyq em qabyldap jatyr.

— Astanadan eki bala apat ornynan aýrýhanaǵa jatqyzyldy. 2021 jyly týǵan bir balada bas-mı jaraqaty men mı shaıqalý belgilerine kúdik bar. Al 2009 jyly týǵan jasóspirimde keýde qýysynyń jaraqaty men tize býynynyń kógerýi anyqtaldy», - dep tolyqtyrdy basqarma.

Buǵan deıin «Astana-Şýche» tas jolynda jappaı kólik apaty bolǵany habarlanǵan edi. Qutqarýshylar 63 eresekti jáne 8 balany evakýatsııalady.