Dárigerler naýqastan kólemi qarbyzdaı qaterli isikti alyp tastady

ALMATY. KAZINFORM – Almatylyq dárigerler áıeldiń jatyrynan úlken isikti alyp tastady. Almaty qalalyq densaýlyq saqtaý basqarmasynyń málimetinshe, №8 qalalyq klınıkalyq aýrýhananyń qabyldaý bólimine 56 jastaǵy áıel ishiniń aýyrsynýyna jáne álsizdikke shaǵymdanyp túsken. 

Mamandardyń tekserýiniń nátıjesinde oǵan analyq bez isigi dıagnozy qoıyldy. Kólemi 30-40 santımetrge jetken isik júktiliktiń 40-aptasyna sáıkes keldi.

«Naýqastyń aıtýynsha, ol úsh jyldan beri ishiniń ulǵaıǵanyn baıqaǵan. Kólemi qarbyzdaı iskke ota jasaý týraly sheshim birden qabyldandy. Biz 11 lıtr uıyma quramdy analyq bez isigin sátti alyp tastadyq. Otadan keıingi alǵashqy saǵatta patsıent ózin jeńil sezindi», - deıdi Almaty №8 qalalyq klınıkalyq aýrýhanasynyń gınekologııa bólimshesiniń meńgerýshisi Dmıtrıı Tsaı.

Gınekolog Dmıtrıı Tsaıdyń sózinshe, qazirgi ýaqytta jatyr isigi keń taraǵan dertke aınalǵan.

Dáriger áıel adamdar aýyr dertke shaldyqpas úshin gınekolog mamandaryna jıi kórinip turýy keregin aıtady. 

Osyǵan deıin Qazaqstanda qursaqishilik úsh ota jasalǵany týraly jazǵan edik. Almatydaǵy balalar kardıohırýrgııasy jáne perınatologııa ortalyǵynyń dárigerleri Mınsk respýblıkalyq ǵylymı-tájirıbelik «Ana men bala» ortalyǵy fetaldy medıtsına bólimshesiniń meńgerýshisimen birge Almaty qalasy, Almaty jáne Aqmola oblystarynan kelgen úsh júkti áıelge ota jasady.