Dárigerler Elena Rybakınanyń kortqa shyǵýyna qatań tyıym salǵan
ASTANA. KAZINFORM — Qazaqstannyń Týrızm jáne sport mınıstrligi Elena Rybakınanyń Olımpıadadan shyǵyp qalýyna oraı málimdeme jasady.
«Qazaqstannyń tennısten ulttyq quramasynyń kóshbasshysy Elena Rybakına densaýlyǵynyń syr berýine baılanysty XXXIII jazǵy Olımpıada oıyndaryna qatysa almaıdy. Qazir Elena jiti bronhıt aýrýyna shaldyqqan, dárigerler oǵan kortqa shyqpaq túgili tipti ushaqpen jarysqa ushyp barýyna da qatań tyıym salǵan bolatyn. Rybakına Olımpıadada keremet oıyn kórsetý úshin baryn salyp daıyndaldy, alaıda syrqatyna baılanysty bul múmkin bolmady» dep habarlady mınıstrlikten.
Vedomstvo sportshynyń tezirek saýyǵyp ketýine tilektestik bildirip, onyń az ýaqytta jarysqa qaıta oralýyn asyǵa kútetinin jetkizdi.
Aıta ketelik, Elena Rybakına jerebe tartý rásiminiń qorytyndysy boıynsha rýmynııalyq Krıstıan Jaklınmen kezdesýi kerek edi.
Rybakına buǵan deıin Tokıo Olımpıadasyna qatysyp, qola medal úshin ótken matchta jeńilis tapty.
Eske sala keteıik, biz buǵan deıin Elena Rybakınanyń bıylǵy Olımpıadaǵa qatysýdan bas tartqanyn habarlaǵan edik.
