Dárigerdiń oqýyna túsemin degen óskemendik 3 mln teńgege aldanyp qaldy
ÓSKEMEN. KAZINFORM — Óskemen qalasynyń turǵyny medıtsınalyq ýnıversıtetke oqýǵa túsemin dep alaıaqqa aldanyp qaldy.
ShQO polıtsııa departamenti baspasóz qyzmetiniń málimetine súıensek, er adamdy áńgimege tartqan alaıaq qajetti qujattardy rásimdep, joǵary oqý ornyna qabyldanýyna kómektesýge ýáde bergen.
— Kúdikti jábirlenýshige ózin jalǵan esimmen tanystyryp, oqýǵa túsýge kómektese alatynyna sendirgen. Aldanyp qalǵan jigit oǵan qajetti qujattary men 3 mln teńge kóleminde aqsha bergen. Biraq ýáde etilgen kómek kórsetilmedi. Qujattar ýnıversıtetke tapsyrylmaǵan, er adam oqýǵa qabyldaǵan. Al kúdikti alǵan aqshasyn sol kúıi qaıtarmaǵan, — delingen aqparatta.
Jedel izdestirý sharalary barysynda polıtsııa qyzmetkerleri kúdiktini anyqtap, ony polıtsııa bólimine jetkizdi.
Atalǵan fakti boıynsha «Alaıaqtyq» babymen qylmystyq is qozǵaldy.
Eske salsaq, osyǵan deıin Astanada júrgizýshi kýáligin jasap berýdi ýáde etken alaıaq 3 jyl 6 aıǵa sottalǵany habarlanǵan.
