Dárigerdiń naýqasty qaraýyna 15 mınýt jetkilikti me — mınıstr jaýaby
ASTANA. KAZINFORM — Densaýlyq saqtaý mınıstri Aqmaral Álnazarova dárigerlerdiń naýqasty qaraý ýaqytyn uzartý máselesimen 2024 jyldan beri aınalysyp kele jatqanyn jetkizdi.
Qazir dárigerlerdiń ártúrli júıede jeke-jeke jumys isteý faktileri bar. Byltyr birneshe medıtsınalyq-aqparattyq júıelerdi biriktirý arqyly dárigerlerdiń jumys ýaqyty 40 paıyzǵa azaıǵan.
— Ekinshi másele, orta býyn medıtsına qyzmetkerlerine osy jumystardy júkteý máselesi buıryqpen bekitildi. Búgingi tańda barlyǵyn jasadyq dep aıta almaımyz, áli de jumys kóp. Jyl aıaǵyna deıin qazaqstandyqtardyń barlyq derekteri úlken ulttyq qoımaǵa jınaqtalady. Búgingi tańda 80 paıyzdan astam aqparat soǵan jınaqtaldy. Sodan soń tolyǵymen ıntegratsııa jasaýdy keler jyldyń birinshi kvartalynda aıaqtaýdy josparlap otyrmyz. Odan keıin Prezıdent tapsyrmasy aıasynda memlekettik medıtsınalyq aqparattandyrý júıesi daıyndalyp, engiziledi, — dedi mınıstr.
Aıta keteıik, búgin Úkimet otyrysynda mindetti áleýmettik medıtsınalyq saqtandyrý júıesin jańǵyrtý máselesi qaraldy.
2027 jyly MÁMS qarajaty densaýlyq saqtaý salasynyń negizgi qarjylandyrý kózine aınalady.