«Daraımola» ken ornynda apatty joıý qalaı ótti
Fılıal dırektory T. Mahmutovtyń aıtýynsha, 2017 jylǵy 6 mamyrda Atyraý fılıaly boıynsha jedel kezekshige «Atyraýmunaı» JShS basshylyǵynan Atyraý qalasynan 120 shaqyrym jerde Mahambet aýdanynda ornalasqan «Daraımola» №36 ken ornynyń uńǵymasyna jedel tártipte jedel avarııalyq-qutqarý tobyn jiberý týraly shaqyrtý haty tústi. Ol jerde túsirý-kóterý operatsııasyn júrgizý kezinde eksplýatatsııalyq uńǵyma salý úderisinde munaı-gazy atqylap, saldarynan órt tutanǵan. Uńǵymany «Atyraýmunaıgaz» JShS qyzmetkeri salyp jatqan bolatyn.
T. Mahmutov aıtqandaı, «Burqaq» dabyly jarııalandy. Fılıaldyń jedel toby jáne dırektordyń jedel profılaktıkalyq jumys boıynsha orynbasary A. Qurmanqulovtyń basshylyǵymen apat ornyna jetti. Ol jerde jalyn bıiktigi 15-20 sharshy metrge jetkeni anyqtaldy. Uńǵyma tereńdigi - 310 metr, uńǵyma oqpanynda 50-60 metr aýyr burǵylaý qubyrlary qalǵan. Biraz ýaqyttan keıin temperatýranyń joǵarylaýy saldarynan rotorlyq alańǵa burǵylaý munarasy qulady. Tilsiz jaý 50-60 metr radıýsqa jaıyldy. Zardap shekkender men qurbandar joq.
Aptty joıý ekstremaldy jaǵdaıda (joǵary temperatýra, ý-shý, eshteńe kórinbeıtin kók tútin, jaramsyz aýa) júrgizildi. Jumysty oryndaý kezinde ystyq temperatýranyń áserinen ystyqtan qorǵaıtyn kıimder, qorǵanys betperdeleri, panoramaly qalqandar jaramsyz bolyp qaldy. Temperatýranyń joǵary bolýynan jedel toptyń uńǵyma janyndaǵy qaýipti aımaqta jumys isteýi 5 mınýttan aspady.
Shtab bekitken jedel josparǵa sáıkes jedel top 06-8 mamyr aralyǵy kezeńinde, zııandy zattar shoǵyryn aıqyndaý boıynsha ortany ólsheý, qaýipti aımaqty jaryq bolyp turatyn jalaýshalarmen belgileý, burǵylaý aýmaǵyn úıindimen bekitý, uńǵyma mańyn burǵylaý munarasynan shashyraǵan elmentterden tazalaý, sharly kran kómegimen jabdyqtar men qubyr keńistigi arqyly qubyr syrtyndaǵy keńistikti - uńǵyma saǵasynyń sańylaýyn bekitýmen uńǵymadan oqshaýlaý sekildi jumystar júrgizildi.
2017 jylǵy 8 mamyrda jumys aıaqtaldy. Apat qysqa merzimde sátti joıyldy.
