Darah, lıýtnıa, kaval - Aqysqa túrikteriniń kóne muralary
«Biz Qazaqstan terrıtorııasynda 70 jyldan beri tirshilik etip kelemiz. Arǵy babalarymyz Grýzııadan jer aýdarylǵan Osman túrkileri. Kórmege qoıylǵan eksponattardy bizdiń ata -babamyz 500 jyl buryn qoldanǵan. Urpaqtan-urpaqqa berilip, búginge deıin saqtalǵan jádigerlerdi jınaýǵa men de óz úlesimdi qostym»-deıdi «Aqysqa» túrik etnomádenı ortalyǵynyń mádenıet komıteti basshysynyń orynbasary Zarına Abbasova.
Darah atalatyn myna eksponat Zarınanyń ájesinen qalǵan.
Qoı, eshkilerdi qyryqqan kezde, Nazo ájeı osy qural arqyly jún óńdegen eken. Sodan keıin myna urshyqpen júndi jip etip ıirgen.
Zarınanyń aıtýynsha, turmystyq quraldar qoldanystan shyǵyp qalǵandyqtan, kórmege tapsyrǵan.
Kaval ulttyq mýzykalyq aspaby túrki halyqtaryna tıesli. Al lıýtnıa aspabyn áıelder ǵana qoldanady. Bul aspapta ejelde garemdegi áıelder oınaǵan.
Osman ımperııasynyń tusynda turmystyq jabdyqtarda qyzǵaldaq gúli beınelengen. Zarınanyń aıtýynsha, qyzǵaldaqtyń otany -Gollandııa emes, eń alǵash shyqqan jeri Konstantınopl , ejelgi Vızantııa memleketi eken.
Mynaý 19-ǵasyrdyń sońy 20-ǵasyrdyń basynda er jigitter kıgen ulttyq kıim.
Al mynaý túrki qyzdarynyń turmys qurǵanda kıetin ulttyq kıimi. Kóılektiń astynan «sharavar» ıaǵnı, shalbar kııý túrkilerde ulttyq úrdis sanalǵan. Al qyzyl tús uzatylatyn boıjetkenniń páktigi men tazalyǵyn bildirgen.
Kúmis beldik salt boıynsha enesinen kelinine berilgen. Otbasylyq qundylyqty bildiretin buıymdy úılený toıynda jańa túsken kelin beline taqqan.
Qanjar áıelderdiń qarýy bolǵan. Muny ózderin qorǵaý maqsatynda emes, aýyr jumystar atqarǵanda qajetine jaratqan.
Almaty mýzeıiniń aǵa ǵylymı qyzmetkeri Qojahanova Quralaıdyń aıtýynsha, osyǵan deıin Osetın, qyrym-tatarlary, býrıattar, aýǵan, sheshen, ıngýsh etnos ókilderiniń kórmesi ótken.
«Assambleıa qyzmeti etnosaralyq qatynastar máselelerin tıimdi sheship kele jatyr. Búginde respýblıkamyzda Qazaqstan etnostarynyń mádenıetter, tilderi dástúrleriniń damýyna qajetti jańǵaılar jasalǵan. Sonyń biri «El birligi - dostyqta» atty Almaty mýzeıinde aı saıyn ár ulttyń kórmesin ótkizemiz»,-dedi Quralaı Qojahanova.
