«Daraboz dástúr» jyr músháırasyna óleń qabyldaý aıaqtaldy
«Baıqaýǵa qatysýǵa nıet bildirip óleńderin joldaǵan aqyndardyń sany 50-den asyp jyǵyldy. Kazaitys.kz saıtyndaǵy aqyn áriptesterimizdiń irikteýinen ótip, jaramdy dep tanylǵan 25 óleń kazaitys.kz jáne ulttyqsport.kz saıttarynda jarııalandy»,- dep habarlaıdy atalmysh qaýymdastyqtyń baspasóz qyzmetinen.
Ádil qazyldar alqasy: tóraǵasy - Qalqaman Sarın, músheleri - Balǵynbek Imashev, Serikzat Dúısenǵazın, Aınur Tursynbaeva jáne Ularbek Nurǵalym. 10 jeltoqsan kúni qazylar jarııalanǵan barlyq óleńderdi saraptap, pikir almasty.
Qazylar alqasy jeńimpazdyń aty «Altyn tuǵyr» saltanatty rásimine deıin qupııa bolatynyn aıtty. Oǵan deıin ádil qazylar óleńderdi qaıtalap oqyp, zerdelep, sosyn aqyndardyń óresin, óleń qurylysynyń minsizdigin, taqyrypty asha bilý sheberligine árkim ádil baǵasyn bermek.
Músháıraǵa jasy 35-ke deıingi jazba aqyndar qatysa alady. Aqyndar onda ulttyq sporttyń kez kelgen túrin sıpattaǵan, ıaǵnı, báıge, aýdaryspaq, kókpar, teńge ilý, qyz qýý, jamby atý, asyq atý, toǵyzqumalaq sekildi ulttyq oıyndar jaıly buryn eshqaıda jarııalanbaǵan jyrlaryn usyna alady.Baıqaýdyń maqsaty - ulttyq sport túrlerin nasıhattaý arqyly jastardyń dástúrli ónerge degen súıispenshiligin arttyrý, ulttyq rýhty bıiktetý, jastardyń poezııaǵa degen qushtarlyǵyn arttyryp, olarǵa qoldaý kórsetý jáne áli tanyla qoımaǵan aqyndardy, ásirese, jas daryndardy anyqtaý.
Aıta keteıik, Qazaqstan Respýblıkasy Ulttyq sport túrleri qaýymdastyǵy Táýelsizdik kúni qarsańynda 2014 jylǵy ulttyq sporttyń úzdikterin marapattaýǵa arnalǵan «Altyn tuǵyr» sharasyn ótkizedi.