«Daraboz batyr Qabanbaı» ǵylymı-praktıkalyq konferentsııasy ótti
TALDYQORǴAN.QazAqparat - Búgin Taldyqorǵan qalasyndaǵy Іlııas Jansúgirov atyndaǵy Mádenıet saraıynda Qarakereı Qabanbaı batyrdyń 325 jyldyǵyna arnalǵan «Daraboz batyr Qabanbaı» atty ǵylymı-praktıkalyq konferentsııa ótti. Oǵan ǵalymdar, tarıhshylar, qoǵam qaıratkerleri qatysty, dep habarlaıdy QazAqparat tilshisi.
Konferentsııaǵa qatysýshylar aldymen Taldyqorǵandaǵy Qabanbaı batyr eskerkishine gúl shoqtaryn qoıdy. Mádenıet saraıynyń foıesinde kitap kórmesi uıymdastyryldy. Jıyndy ashqan oblystyq mádenıet, arhıvter jáne qujattama basqarmasynyń basshysy Aqan Ábdýálı Qabanbaı batyrdyń mereıtoıy elimizdiń túkpir-túkpirinde ótip jatqanyn, búgingi shara sonyń zańdy jalǵasy ekenin atap ótti.
Aldymen baıandama jasaǵan Sh.Ýalıhanov atyndaǵy Tarıh jáne etnologııa ınstıtýtynyń bas ǵylymı qyzmetkeri, tarıh ǵylymdarynyń doktory Ahmet Toqtybaev Mońǵol jerine uıymdastyrylǵan ekspedıtsııa barysynda sol jerlerdegi dúrbit, zaqshyn taıpasy urpaqtarynyń arasynda saqtalǵan Qabanbaı batyr týraly ańyzdar men derekter jaıyna keńinen toqtaldy. Jaý sanalǵan oırat elinde, sonymen qatar dúńgen, qaraqalpaq eli ishinde de Qabanbaı batyr týraly zor yqylaspen aıtylatyn áńgimeler sóz etildi. ıAǵnı, Qabanbaı batyrdyń dańqy el aýmaǵynan shyǵyp, syrtqa keńinen taralǵanyna toqtaldy. Aldaǵy ýaqytta tarıhı maqsattaǵy ekspedıtsııalardy jalǵastyrý qajettigin de aıtty.
Sonymen qatar І. Jansúgirov atyndaǵy JMÝ-dyń gýmanıtarlyq fakýltetiniń dekany, tarıh ǵylymdarynyń kandıdaty Aman Tólemisov óz baıandamasynda batyrdyń ómir derekterine sholý jasasa, M.Áýezov atyndaǵy ádebıet jáne óner ınstıtýtynyń bólim meńgerýshisi, fılologııa ǵylymdarynyń doktory, professor Nurdáýlet Aqysh batyrdyń ádebıettegi obrazyna toqtaldy.
Ál-Farabı atyndaǵy Qazaq Ulttyq ýnıversıtetiniń professory, fılologııa ǵylymdarynyń doktory Káken Hamzın óz sózinde Qabanbaıdyń arnaıy áskerı dıplomatııasyn nasıhattaıtyn mýzeıin qalyptastyrý, batyr týraly kóp serııaly fılmniń stsenarııin ázirleý jáne basqa da usynystardy aıtty. «Qazaq ultynyń brendi osyndaı uly tulǵalarymyz bolýy kerek», - dep túıindedi sózin K. Hamzın.
Munan soń «Qarakereı Qabanbaı batyr» qoǵamdyq qorynyń tóraǵasy Kamal Ábdrahman sóz sóılep, jıyndy oblys ákiminiń orynbasary Jaqsylyq Omar qorytyndylady.
"El táýelsizdigi úshin, azattyq úshin kúresken batyrlardyń erligin nasıhattaý - urpaq paryzy. Búgingi konferentsııada tarıhı zerdeleý, ǵylymı dálel, tereń izdenisterge kýá boldyq. Qabanbaı batyrdyń 325 jyldyǵyna arnalǵan bul konferentsııanyń ǵylymǵa qosar úlesi mol dep bilemin. Sonymen qatar biz jas urpaqty bilimdi, otansúıgish rýhta tárbıeleı otyryp, táýelsizdikti baıandy ete alamyz. Bul oraıda búgingi uıymdastyrylyp otyrǵan sharanyń tıgizer yqpaly zor bolady dep esepteımiz", - dedi J. Omar. 
