«Darıal-Ý» polıgonyndaǵy qaýipti kondensatorlardy joıý baǵdarlamasy ázirlenýde
ASTANA. QazAqparat - «Darıal-Ý» polıgonyndaǵy qaýipti kondensatorlardy joıý baǵdarlamasy ázirlenýde. Bul týraly búgin QR Qorshaǵan orta jáne sý resýrstary mınıstrliginiń jaýapty hatshysy Anatolıı Dernovoı málim etti.
«Darıal-Ý» polıgonynan kondensatorlardy shyǵarýdyń birinshi kezeńi birqatar qıyndyqtarmen júzege asyryldy. Qazirgi ýaqytta atalǵan kondensatorlardy shyǵarý jáne joıý ekinshi kezeńiniń baǵdarlamasy ázirlenýde. Olardyń sany shamamen - 5900 dana. Búginde bul baǵdarlama jan-jaqty talqyǵa túsýde», - dedi A.Dernovoı. Jaýapty hatshynyń atap ótýinshe, atalǵan kondensatorlar qaýipti. Sondyqtan da el Úkimet bul qaldyqtardy shyǵarý jáne joıý jumystaryna baǵyttalǵan sharalardy jalǵastyrýda. «Qarjylandyrý respýblıka bıýdjeti esebinen júrgiziledi. Sáıkesinshe baǵdarlamada daıyndalýda. Onda qaldyqtardy shyǵarýǵa ketetin shyǵyndar naqty anyqtalady», - dedi ol. Aıta keteıik, «Darıal-Ý» - erekshe qupııa sýperstrategııalyq mándegi burynǵy áskerı nysan. Osy nysanda 15 myń asa qaýipti kondensator tabylǵan bolatyn.
