Dári óndirýge ákelinetin zattar baqylaýdan tys qalǵan – Ashat Aımaǵambetov

ASTANA. KAZINFORM — Dárilerdiń keri áserin taldaý jumystary tıisti deńgeıde emes. Bul týraly Májilisiniń jalpy otyrysynda depýtat Ashat Aımaǵambetov málim etti.

- Zańǵa sáıkes, NATsELS (Dárilik zattar men medıtsınalyq buıymdardy saraptaý ulttyq ortalyǵy) dárilerdiń jaǵymsyz reaktsııalary týraly habarlamalardy jınap ári taldap, shara qabyldaý úshin jiberýge mindetti. Biraq aýdıt kórsetkendeı, 28 «sary kartochkasy» bar dárilik zattar boıynsha eshqandaı shara qabyldanbaǵan. Onyń ústine, dárilerdiń keri áserleri týraly 137 aqparat kelip túskenimen, tek bir preparat keri qaıtarylǵan, - dedi A. Aımaǵambetov palata otyrysynda dári-dármekpen qamtamasyz etý júıesine júrgizilgen memlekettik aýdıt nátıjesin talqylaý kezinde.

Onyń aıtýynsha, dárilerdi óndirý úshin ákelinetin sýbstantsııalar baqylaýdan tys qalyp otyr.

- Kim ne ákelip jatyr? Olar quıýǵa daıyn dári me? Osy zattar qanshalyqty qaýipsiz? Munyń bári bizge beımálim, - dedi depýtat.

Budan buryn habarlanǵandaı, QR Joǵary aýdıtorlyq palatasynyń tóraǵasy Álıhan Smaıylov Qazaqstanda azamattardy dári-dármekpen qamtamasyz etý júıesine júrgizilgen memlekettik aýdıt nátıjesin jarııalady.

Sonymen qatar Májilisiniń jalpy otyrysynda depýtat Ashat Aımaǵambetov Qazaqstanda dárini tirkeý úshin óte kúrdeli bıýrokratııalyq rásimderden ótý kerek ekenin aıtyp, osy salany synǵa aldy.