Dári-dármekterdi tańbalaý: qazaqstandyqtar qandaı preparattardy jıi satyp alady
ASTANA. KAZINFORM – 2024 jylǵy 1 shildeden bastap Qazaqstanda barlyq dárilik zatty mindetti tsıfrlyq tańbalaý engizildi. Tańbalaý jáne taýarlardyń qadaǵalanýynyń biryńǵaı operatorynyń júıesi tutynýshylyq suranysty naqty ýaqyt rejıminde tirkeýge múmkindik beredi.
Satylym boıynsha kóshbasshy, jyldyń basqa kezeńderindegi sııaqty, etıl spırti boldy – 4,1 mln birlik tańbalanǵan ónim satylǵan. Ekinshi orynda natrıı hlorıdi – 2,1 mln birlik. Úzdik úshtikke qyzý túsiretin paratsetamol preparaty kirdi – 1,75 mln birlik.
Tańbalanǵan dárilik zattar arasyndaǵy satylym boıynsha tórtinshi orynda atsetılsalıtsıl qyshqyly – 1,5 mln-nan astam birlik. Bestikti muryn bitelýi kezinde qoldanylatyn tamyr taryltqysh preparat – nafazolın qorytyndylaıdy.
Suranysqa ıe preparattardyń qatarynda Tsıtramon P bar – 1,23 mln-nan astam birlik. Sondaı-aq TOP-10 tizimine menovazın – 897 myń, tumaý men sýyq tııýge qarsy TeraFlıý, belsendirilgen kómir – 636 myń jáne fýratsılın – 623 myń satylǵan dárilik zat kirdi.
– Tańbalaý júıesi árbir dárilik preparattyń qaptamasynyń qozǵalysyn óndirýshiden bastap túpki tutynýshyǵa deıin naqty ýaqyt rejıminde baqylaýǵa múmkindik beredi. Usynylǵan statıstıka dárihanalardaǵy bólshek saýdany naqty kórsetedi. Sonymen qatar tańbalaý júıesi árbir preparattyń túpnusqa ekenin jáne zańdy aınalymnyń tolyq jolynan ótkenin kepildeıdi, - dep atap ótti QR Densaýlyq saqtaý mınıstrligi.
Tsıfrlyq tańbalaý sheńberinde árbir dárilik preparattyń qaptamasyna biregeı Data Matrix kody beriledi. Tutynýshy, dárihana nemese tekserýshi organ Naqty Onim mobıldik qosymshasy arqyly preparattyń túpnusqalyǵyn birden teksere alady. Bul zańdy taýar aınalymy sheńberinde jalǵan dárilerdi satýdy tehnıkalyq turǵydan múmkin emes etedi.
Buǵan deıin habarlaǵanymyzdaı, elimizde «Streptotsıd» dárisiniń bir serııasy satylymnan alyndy.