Dári-dármek pen medıtsınalyq qyzmetke salynatyn QQS 5%-ǵa deıin túsýi múmkin
ASTANA. KAZINFORM –2026 jyldan bastap dári-dármek pen medıtsınalyq qyzmetke salynatyn QQS-ny 5%-ǵa deıin túsirý josparlanyp otyr. Bul týraly Densaýlyq saqtaý mınıstri Aqmaral Álnazarova Úkimet otyrysynan keıin baspasóz máslıhatynda aıtty.
— Bastapqyda 10 paıyzdyq QQS mólsherlemesi taǵaıyndalady degen kútkenbiz. Endi talqylaýlardan keıin dári-dármek pen medıtsınalyq qyzmetterge salynatyn qosylǵan qun salyǵyn 2026 jyldan bastap 5%-ǵa deıin tómendetý týraly paıymǵa keldik. Tegin kepildendirilgen medıtsınalyq kómek pen MÁMS aıasyndaǵy qyzmetter túgel QQS-dan bosatylady, — dedi vedomstvo basshysy.
Sondaı-aq, ol menshik ıesine qaramastan qosylǵan qun salyǵynan bosatylatyn dári-dármek pen medıtsınalyq qyzmetterdiń tizimi jasalatynyn atap ótti.
— Bul áleýmettiń qaltasyna tikeleı áser etetin, halyq jıi satyp alatyn, jeke menshik medıtsınalyq uıymdardyń qolyndaǵy dári-dármekter men qyzmetter bolady. Mysaly, kúrdeli syrqaty bar adamdar men onkologııa salasynda kórsetiletin kómek túrleri QQS-dan bosatylady, — dedi Aqmaral Álnazarova.
Sondaı-aq, ol 1 mamyrdan bastap jedel járdem qyzmetiniń jańa jumys tártibi qalaı uıymdastyrylatynyn túsindirdi.