Dańqty babalar men kóne tarıhtyń ulylyǵyn seziný ár qazaqtyń boıynda bar - Farhad Qýanǵanov
«Uly dalanyń jeti qyry» atty maqalasynda N.Á.Nazarbaev ózin qazaqtardyń tarıhı júrip ótken jolyn dáıekti túrde kórsete otyryp, qazaq halqynyń ár kezeńdegi tarıhı muralaryn bir arnaǵa toǵystyra bilgen, ıntellektýaldy, keń aýqymdy rýhanı Kóshbasshy retinde kórsetip otyr. Dańqty babalar men kóne tarıhtyń ulylyǵyn seziný ár qazaqtyń boıynda bar. Bul sezim - qazaqtyń dúnıetanymynyń, ulttyq kodynyń myzǵymas bir bólshegi. Elbasy maqalasy osy jaıtty tarıhı derektermen, jetistiktermen dáleldeıdi. Bul túrki dúnıesiniń álem órkenıetine qosqan úlesi jaıly aıtylǵan pikirlerdiń shyńy ekenin atap ótý kerek»,- dedi ol.
Partııa hatshysynyń aıtýynsha, sheteldik ǵylym sońǵy onjyldyqta túrkilerdiń órkenıet jolyndaǵy jetistikteri jaıly úlken maǵlumat jınady. Búgingi tarıhshylar Ál-Farabısiz, Ulyqbeksiz, Bırýnısiz qazirgi matematıkany, astronomııa men kosmetologııany, Ibn-Sınasyz qazirgi medıtsınany elestetý múmkin emestigin aıtady. Shoıyn bolatty óndirý de eń alǵash Ortalyq Azııadaǵy Altaı taýynda bastalǵan. Álemdegi eń úzdik maqta jáne jibek matalar da Ortalyq Azııadaǵy ortaǵasyrlyq qalalarda shyǵarylǵan.
«Álemdik ǵylym Ortalyq Azııa aımaǵyn qazirgi órkenıet damýynyń birden-bir tarıhı ortalyǵy dep baǵalaıdy. Ortalyq Azııanyń damýynyń ortaǵasyrlyq dáýiri tarıhtaǵy eń iri qalalar men kitaphanalar, observatorııalar men fılosofııalyq, tehnologııalyq mektepterdi qalyptastyrdy. Tarıhtaǵy iri ınjenerlik jáne sýarý qondyrǵylary Ortalyq Azııada ornalasqan. Túrli etnostardyń mádenıeti men dininiń qaınaǵan qazany boldy. Islamdaǵy eń kórnekti esimderdiń biri - Ál-Buharı de Ortalyq Azııada týypty», - deıdi ol.
Onyń paıymynsha, Elbasymyzdyń ata-babalarymyzdyń órkenıettik álemniń damýyna qosyp kele jatqan tarıhı úlesin jańǵyrtýǵa baǵyttalǵan iri jobalary qazirgi qazaqstandyqtardyń, ásirese, jas urpaqtyń rýhanı jańarýy men básekege qabilettiligin arttyrýǵa zor yqpal etedi.
«Men ózimizdi qazir asqar shyńdarǵa jetelep, kúsh beretin alpaýyt ata-babalarymyzdyń ıyǵynda turǵandaı sezinemin. Bul damýdyń ekonomıka, ónerkásip, ǵylym jáne tehnologııa, memleket, medıtsına jáne bilim berý, áleýmettik damý jáne áleýmettik jańǵyrý sııaqty salalaryndaǵy talantty izdenýshilerge arnalǵan eń kúshti motıvatsııa bolyp tabylady. Shyǵarmashylyq ıntellıgentsııa - ǵalymdar, tarıhshylar, saıası qaıratkerler, oıshyldar, jýrnalıster, jazýshylar men aqyndar Memleket basshysynyń jańa bastamalaryna jaýap berip, qoldaý kórsetetinine senimdimin», - dedi Farhad Qýanǵanov.
