Danııarǵa bul joly da aq jol tilep shyǵaryp saldym - Myrzaǵalı Aıtjanov
ASTANA. QazAqparat - Osydan birneshe kún buryn Rıo-de Janeıro olımpıadasynyń chempıony Danııar Eleýsinov kásipqoı boksqa ketetin týraly BAQ ókilderi jazǵan bolatyn. QazAqparat tilshisi bul aqparattyń anyq-qanyǵyn Ulttyq quramanyń bas bapkeri Myrzaǵalı Aıtjanovtan surap bildi.
«Danııar baýyrymyz Rıo Olımpıadasynan keıin kásipqoı boksqa ketken bolatyn. Ol kezde de sáttilik tilep, jolyna turǵan joqpyn. Ókinishke qaraı, ol kezde kelisim jasasqan kompanııasymen jumys jasaı alǵan joq. Keıin ulttyq quramaǵa qaıta keleıin dedi. «Kel» dedim. Mine, osydan bir apta buryn taǵy bir kompanııamen kelisimge otyryp jatqanyn aıtyp, ulttyq quramadan ketetinin aıtty. Taǵy da jolyń bolsyn dep shyǵaryp saldym. Men kásipqoı boksqa ketem degen kez kelgen boksshyǵa tusaý bolmaımyn», dep atap ótti bas bapker.
Esterińizge sala keteıik, osydan birer kún buryn Danııar Eleýsinov amerıkalyq Boxing Star menedjerlik kompanııasymen kelisimshartqa qol qoıǵany týraly aqparat taraǵan bolatyn.
