Danııar Turǵambaev ETRM Orman sharýashylyǵy jáne janýarlar dúnıesi komıtetiniń tóraǵasy boldy
ASTANA. KAZINFORM – QR Ekologııa jáne tabıǵı resýrstar mınıstriniń buıryǵymen Danııar Ǵalymuly Turǵambaev QR ETRM Orman sharýashylyǵy jáne janýarlar dúnıesi komıtetiniń tóraǵasy bolyp taǵaıyndaldy. Bul týraly QR Úkimetiniń baspasóz qyzmeti habarlady.
1987 jyly Almaty oblysynda dúnıege kelgen. Ál-Farabı atyndaǵy Qazaq ulttyq ýnıversıtetin, D.Qonaev atyndaǵy ýnıversıtetti, Qazaq memlekettik agrarlyq ýnıversıtetin bitirgen.
Eńbek jolyn 2009 jyly jeke menshik kompanııada esepshi bolyp bastaǵan.
2010-2019 jyldary aralyǵynda «Altynemel» memlekettik ulttyq tabıǵat parki» MM-de bas maman – memlekettik satyp alý jónindegi menedjer, bólim bastyǵy, bas dırektordyń orynbasary, dırektordyń orynbasary qyzmetterin atqardy.
2019-2021 jyldary — «Kólsaı kólderi» memlekettik ulttyq tabıǵı parki» RMM dırektory.
2021 jyldan bastap qazirgi ýaqytqa deıin QR Ekologııa jin tabıǵı resýrstar mınıstrligi Orman sharýashylyǵy jáne janýarlar dúnıesi komıteti tóraǵasynyń orynbasary bolyp qyzmet etti.
