Danııar Súndetbaev: Búkil álemge memleket bola alatynymyzdy dáleldedik
«Shyny kerek, Prezıdenttiń bul málimdemesi bárimiz úshin kútpegen oqıǵa boldy. Biz, qazaqstandyqtar, qazirgi ýaqytta shynynda da, tarıhı sátte ómir súrip jatyrmyz. Sebebi, Qazaqstannyń memlekettiligin bekemdegen Elbasymen bir komandada bolý - biz úshin zor mártebe. Táýelsiz Qazaqstannyń damýy, órkendeýi - úlken baqytymyz dep sanaımyn», - deıdi Danııar Súndetbaev.
«Jas Otan» jastar qanatynyń tóraǵasynyń aıtýyna qaraǵanda, Keńes Odaǵy tusynda Ózbekstan, Gúrjistan, Ýkraına elderi aldyńǵy qatarly elder sanaldy da Qazaqstanǵa tek shıkizat qory retinde qarady.
«Alaıda Táýelsizdik alǵannan keıin TMD elderine ǵana emes, búkil álemge memleket bola alatynymyzdy dáleldep berdik. Prezıdenttiń arqasynda qazaq halqy bıik belesterdi baǵyndyrdy. Qandaı salany alyp qarasańyz da, qazaq halqy eshkimnen kem eńbek etip jatqan joq. Indýstrııa, ІT salasy, sport pen kınony meńgerýi - qazaq halqynyń memleket bolyp qalyptasqanynyń bir kórinisi», - deıdi ol.
Danııar Súndetbaevtyń sózinshe, qazaqstandyqtarǵa eń úlken amanat - memlekettiń táýelsizdigin saqtaı otyryp, damýyna, órkendeýine bir kisideı atsalysý.
«Táýelsizdik kezeńinde tárbıelengen, óz oıyn ashyq aıta alatyn býyn paıda boldy. Qazirgi jastar basqasha oılaımyz. Ár kezde óz ultymyzdy aldyńǵy orynǵa qoıamyz. Jańasha oılaıtyn jastarmyz. Prezıdent ózi aıtqandaı, memlekettiń eń úlken jetistikteriniń biri, sózsiz - Táýelsiz Qazaqstannyń oıy ozyq jastarynyń tárbıelenýi», - deıdi Danııar Súndetbaev.
Eske sala ketsek, búgin Memleket basshysy Nursultan Nazarbaev respýblıkalyq telearnalar arqyly Qazaqstan halqyna arnalǵan málimdemesinde Prezıdenttik ókilettigin toqtatatynyn jarııa etken bolatyn.
