Danııar Shamshaev Grand Slam týrnıriniń jartylaı fınalyna shyqty

ASTANA. KAZINFORM – Dzıýdodan Tashkentte ótip jatqan Grand Slam týrnırinde qazaqstandyq tatamı sheberi Danııar Shamshaev jartylaı fınalǵa shyqty. 

73 kelide el namysyn qorǵap jatqan sportshymyz shırek fınalda reseılik Mahmadbek Mahmadbekovti jeńdi. Ol irikteý kezeńderinde Qyrǵyzstan jáne Slovenııa balýandaryn jarys jolynan taıdyrǵan bolatyn. Endi Shamshaev jartylaı fınalda Reseı balýanymen beldesedi.

Osy salmaqta synǵa túsken taǵy bir qazaqstandyq balýan Asqar Narqulov Polsha balýanynan aılasyn asyrdy.

Sondaı-aq, búgin 81 keli salmaqta beldesken Abylaıhan Jubanazar alǵashqy beldesýinde Reseı balýany Davıd Karapetıandy aıqyn basymdyqpen jeńdi. Endi ol 1/8 fınalda marokkolyq Ashraf Moýıtımen baq synasady.

81 kelide synǵa túsken ekinshi balýanymyz Rýslan Musaev Ózbekstan balýanyna utylyp jarysty erte aıaqtady.

Áıelder arasynda 63 kelide Krıstına Sotnıkova Italııa balýanyna ese jiberdi. Osy salmaqta kúresýi tıis bolǵan Esmıgúl Quıylova tatamıge shyqpaı qaldy.

Esterińizge sala keteıik, keshe atalǵan týrnırdiń birinshi kúni áıelder arasynda 48 keli salmaqta synǵa túsken Ábıba Ábýjaqynova fınalǵa shyǵyp, kúmis júldege ıe bolǵanyn jazǵan bolatynbyz.

Al Olımpıada oıyndarynyń eki dúrkin júldegeri Eldos Smetov jarysty 7-orynmen aıaqtaǵan edi.