Danııar Shamshaev álemdik Grand Slam týrnıriniń qola júldegeri atandy
ASTANA. QazAqparat – Qazaqstandyq Danııar Shamshaev Frantsııa astanasy Parıjde dzıýdodan ótip jatqan álemdik Grand Slam týrnıriniń qola júldegeri atandy, dep habarlaıdy QazAqparat tilshisi.
D.Shamshaev 73 kelige deıingi salmaqta qola júlde úshin básekede kanadalyq Artýr Margelıdonnan aılasyn asyrdy.
Danııar jarys barysynda brazılııalyq Maıkl Marselıno men frantsýz Danııl Zýbkony jeńdi. Degenmen ataqty grýzııalyq Lasha Shavdatýashvılıge jol berdi. Jubanysh kezdesýinde taǵy bir frantsııalyq Djoan-Bendjamın Gabany qapy qaldyrdy.
Bul – ótken jyly Azııa chempıony atanǵan Danııardyń Grand Slam dodasyndaǵy alǵashqy júldesi.
Osylaısha, Parıjde jarystyń alǵashqy kúni Qazaqstan qorjynyna eki qola medal tústi.
Eske sala keteıik, budan buryn dzıýdoshy Ábıba Ábýjaqynovanyń Grand Slam týrnıriniń qola júldegeri atanǵanyn jazǵan bolatynbyz.
Foto: Qazaqstan dzıýdo federatsııasy
