Danııar Sarekenov qyzmetinen ketti
ASTANA. KAZINFORM – Memleket basshysynyń Jarlyǵymen Danııar Qabıdollauly Sarekenov Qazaqstan Respýblıkasynyń Slovenııa Respýblıkasyndaǵy Tótenshe jáne Ókiletti Elshisi laýazymynan bosatyldy.
Bul týraly Aqordanyń baspasóz qyzmeti habarlady.
Danııar Sarekenov Qazaqstan Syrtqy ister mınıstrligi qurylymynda túrli laýazymdarda jumys istegen.
2007-2011 jyldary Qazaqstannyń Japonııadaǵy Elshiliginiń keńesshisi, mınıstr-keńesshisi boldy. 2012-2013 jyldary Qazaqstan Respýblıkasy Syrtqy ister mınıstrligi Azııa jáne Afrıka departamenti dırektorynyń orynbasary,
2013 jyly Qazaqstannyń Malaızııadaǵy Elshiliginiń Mınıstr-keńesshisi, 2013-2019 jyldary Qazaqstannyń Malaızııadaǵy Elshisi boldy.
2019 jyldyń mamyrynda ol Indonezııadaǵy elshi boldy.
2024 jyly Memleket basshysynyń Jarlyǵymen Danııar Qabıdollauly Sarekenov Qazaqstan Respýblıkasynyń Slovenııa Respýblıkasyndaǵy Tótenshe jáne Ókiletti Elshisi laýazymyna taǵaıyndaldy.