Danııar Moldahmetov Taldyqorǵan qalalyq sotynyń sýdıasy bolyp taǵaıyndaldy
ASTANA. KAZINFORM — Jetisý oblystyq sotynda ótken plenarlyq otyrysta oblystyq sottyń tóraǵasy Erjan Kenenbaev sýdıalar qaýymyna Taldyqorǵan qalalyq sotynyń jańadan taǵaıyndalǵan sýdıasy Danııar Moldahmetovti tanystyrdy.
Qazaqstan Respýblıkasy Prezıdentiniń 2026 jylǵy 29 shildedegi №1382 Jarlyǵyna sáıkes Danııar Samatuly Moldahmetov Jetisý oblysy Taldyqorǵan qalalyq sotynyń sýdıasy laýazymyna taǵaıyndaldy.
Oblystyq sot tóraǵasy Danııar Moldahmetovti jańa qyzmetimen jáne sýdıa antyn qabyldaýymen quttyqtap, oǵan ádil sot tóreligin júzege asyrý jolynda tabys, kásibı jetistikter men jemisti eńbek tiledi.
Danııar Samatuly Moldahmetov 1994 jylǵy 8 qazanda Taldyqorǵan qalasynda dúnıege kelgen. Ol Іlııas Jansúgirov atyndaǵy Jetisý memlekettik ýnıversıtetin támamdap, Qazaqstan Respýblıkasy Joǵary Sot Keńesi janyndaǵy Ádilet akademııasynda bilim alǵan.
Eńbek jolyn 2016 jyly Taldyqorǵan qalalyq soty keńsesiniń jetekshi mamany qyzmetinen bastaǵan. 2017–2026 jyldar aralyǵynda Taldyqorǵan qalasynyń sottarynda bas maman – sot otyrysynyń hatshysy bolyp jumys istedi. Jalpy eńbek ótili 9 jyl 11 aıdan asady.
Aıta keteıik, buǵan deıin Shymkentte eki sotqa jańa sýdıalar taǵaıyndaldy.
