Danııar Meıirhanǵa qatysty stalkıng boıynsha qylmystyq is toqtatyldy - ІІM
ASTANA. KAZINFORM – QR Іshki ister mınıstriniń orynbasary Sanjar Ádilov QR ІІM Esirtki qylmysyna qarsy is-qımyl komıteti tóraǵasy Danııar Meıirhanǵa qatysty stalkıng boıynsha qylmystyq istiń toqtatylǵanyn habarlady.
- Qazirgi kezde Danııar Meıirhanǵa qatysty 115-baptyń 1-bólimi boıynsha stalkıng jónindegi qylmystyq is tergelgen edi. Atap aıtqanda, qylmystyq is boıynsha tergeý toqtatyldy, - dedi Sanjar Ádilov Parlament Májilisinde tilshiler suraǵyna jaýap bere otyryp.
Onyń sózine qaraǵanda, degenmen qazir sotta Danııar Meıirhanǵa qarsy jeke aıyptaý negizindegi materıaldar qaralyp jatyr.
Buǵan deıin ınternette Astanada Esirtki qylmysy komıtetiniń tóraǵasy Danııar Meıirhanǵa qarsy qylmystyq is qozǵalǵany týraly habarlama paıda boldy.
Danııar Meıirhanǵa qyzmettik ókilettigin asyra paıdalaný jáne qyzmetkerdi qýdalaý boıynsha kúdik keltirilgeni habarlanǵan. Oǵan qarsy 20 baǵynyshty qyzmetker de ujymdyq shaǵym túsirgen.
Keıinnen QR Іshki ister mınıstriniń orynbasary Sanjar Ádilov Esirtki qylmysy komıtetiniń tóraǵasy Danııar Meıirhanǵa qarsy qylmystyq is qozǵalǵany jónindegi aqparatqa qatysty málimdeme jasady.
