Danııar Qaısanov erkin kúresten Qazaqstan quramasynyń bas bapkeri bolyp taǵaıyndaldy
ASTANA. KAZINFORM – 2019 jylǵy álem chempıonatynyń qola júldegeri Danııar Qaısanov erkin kúresten Qazaqstan quramasynyń bas bapkeri bolyp taǵaıyndaldy.
Bul týraly Federatsııanyń baspasóz qyzmeti resmı túrde habarlady.
Danııar Qaısanov 2017 jyldan beri Qazaqstan ulttyq quramasynyń sapynda óner kórsetti. 2019 jyly ol álem birinshiliginde úshinshi oryndy ıelendi.
2020 jylǵy Tokıo (Japonııa) Olımpıadasynda Qaısanov júldege bir qadam jetpeı, qola medal úshin ótken beldesýde jeńilip qaldy. Sondaı-aq onyń enshisinde Azııa chempıonatynyń eki altyn medali bar.
Erkin kúresten ulttyq quramanyń aldaǵy oqý-jattyǵý jıyny aqpan aıynyń alǵashqy jartysynda Almaty oblysynda ótedi. Jıyn barysynda bapkerler shtabynyń tolyq quramy resmı túrde tanystyrylady.
Aıta keteıik, qazaqstandyq balýandar halyqaralyq týrnırde 2 kúmis medal aldy.