Danııar Qadyrov Otandastar qorynyń prezıdenti laýazymyna taǵaıyndaldy
ASTANA. KAZINFORM - Qazaqstan Respýblıkasy Syrtqy ister mınıstriniń buıryǵymen Danııar Ramazanuly Qadyrov «Otandastar Qory» KEAQ prezıdenti laýazymyna taǵaıyndaldy.
Danııar Qadyrov 1975 jyly Almaty qalasynda dúnıege kelgen. Ál-Farabı atyndaǵy Qazaq ulttyq ýnıversıtetin bitirgen.
Óz eńbek jolyn 1999 jyly QR Mádenıet mınıstrliginiń Buqaralyq aqparat quraldary departamentiniń jetekshi mamany retinde bastady, sodan keıin 2004 jylǵa deıin osy vedomstvonyń qurylymynda ártúrli laýazymdardy atqardy.
2000-2004 jyldary – QR Bilim jáne ǵylym mınıstrliginiń Jastar saıasaty departamentiniń basqarma basshysy, dırektorynyń orynbasary.
2005 jyly jergilikti atqarýshy organdar qyzmetine – Stepnogorsk qalasy ákiminiń orynbasary laýazymyna aýysty.
2007 jyly QR Prezıdenti Ákimshiliginiń Memlekettik baqylaý jáne uıymdastyrý jumysy bóliminiń sektor meńgerýshisi boldy.
Keıinirek, 2007 jyly Qazaqstannyń Mońǵolııadaǵy Elshiliginde keńesshi-ýákil laýazymyna dıplomatııalyq qyzmetke aýysty, sodan keıin 2013-2015 jyldar aralyǵynda Qazaqstannyń Túrikmenstandaǵy Elshiliginde keńesshi-ýákil laýazymynda jumys istedi.
2015-2019 jyldary aralyǵynda «QR teleradıo habarlaryn taratý operatorlarynyń qaýymdastyǵy» ZTB atqarýshy dırektory boldy.
2019-2022 jyldary QR Prezıdenti Ákimshiliginiń Ótinishterdi qaraýdy baqylaý bólimi meńgerýshisiniń orynbasary boldy.
2022-2023 jyldary QR Aqparat jáne qoǵamdyq damý vıtse-mınıstri bolyp taǵaıyndaldy.
«Otandastar qory» KEAQ prezıdenti bolyp taǵaıyndalǵanǵa deıin 2023 jylǵy qarashadan 2024 jylǵy naýryzǵa deıin QR Mádenıet jáne aqparat vıtse-mınıstri boldy.
2024 jyly 18 naýryzda mádenıet jáne aqparat vıtse-mınıstri qyzmetinen bosatyldy.
